Eric Nshimiyimana niwe ugiye gutoza Kiyovu Sports

Yanditswe na Admin ku wa 07.07.2014 saa 22:56 | Yasuwe : 1,307

Ikipe ya Kiyovu Sports yatangaje ko yamaze kumvikana na Eric Nshimiyimana ngo ayirebe Umutoza mukuru 

Uyu mutoza umenyerewe cyane mu mupira w’amaguru mu Rwanda yari amaze iminsi nta kipe afite nyuma yo gusezererwa mu ikipe y’igihugu Amavubi yari afite by’agateganyo aho yari yasimbuye Milotin Micho wari wirukanwe. Eric Nshimiyimana nawe  yahise asimburwa na Constantine.

Eric Nshimiyimana yatangaje  ko we yamaze kumvikana n’ubuyobozi bwa  Kiyovu Sports ko azabasinyira amasezerano y’umwaka umwe .

rp_ericnshimiyimana-300x230.jpg

Eric Nshimiyimana ni umugabo w’imyaka 42 wavukiye i Bujumbura akaba ari naho akurira .Yatangiye ibyo gukina umupira mu ikipe y’ i Burundi yitwa Prince Louis , aho atahukiye mu Rwanda yahise akina muri  APR FC na Kiyovu Sports.Ni umwe mu bakinnyi b’ ikipe y’igihugu Amavubi bakinnye mu gikombe cy’Afurika cy’ibihugu muri Tunisia muri  2004.

Mu kazi k’ubutoza, Eric Nshimiyimana yatoje APR Fc, AS Kigali ndeste n’Isonga FC.

Tubibutse ko Kiyovu Sports umwaka ushize yatozwaga na Kanyankore Yaounde wamaze gusubira i Burundi aho yatozaga mbere.

Kiyovu ni imwe mu makipe agira abafana batari bacye mu gihugu, ariko muri ino munsi ntibakunze kugaragara kubera ko ikipe yabo ifite ibibazo by’amikoro itakibashimisha .

Tanga igitekerezo na Facebook

Tanga igitekerezo