Emery Mvuyekure ntari kugaragara mu myitozo y’ikipe y’igihugu

Yanditswe na Rwanda Football ku wa 22.07.2015 saa 00:12 | Yasuwe : 1,418

Uyu munyezamu wikipe ya  Police FC ntabwo ari gukorana imyitozo n’abandi bakinnyi bahamagawe mu mpera z’icyumweru gishize (pre-selection) ngo bitegure imikino ya gicuti ya South Africa na Nigeria.

Mvuyekure yemereye ikinyamakuru Umuseke ko koko atari muri iyi myitozo nubwo ngo nta byinshi yarenzaho. Amakuru akaba avuga ko uyu musore yinubira ‘ikimenyane’ kiri mu ikipe y’igihugu iyo bigeze ku bakinnyi ba nyuma (selection finale).

Mvuyekure yahamagaranywe n’abandi banyezamu  basanzwe bamenyerewe aribo Marcel Nzarora, Eric Ndayishimiye bita Bakame na Olivier Kwizera.

Mvuyekure-Emery

Amakuru aravuga ko uyu munyezamu atishimiye uburyo ikipe ihamagarwamo kuko ngo bahamagara abakinnyi 26 (pre-selection) ariko ngo bajya gufata abakinnyi ba nyuma ngo hakazamo ikimenyane.

Mu mukino wa gicuti u Rwanda ruheruka gukinira i Maputo muri Mozambique Emery Mvuyekure yari mu bakinnyi bahamagawe mu b’ibanze mu myitozo, agakorana imyitozo n’abandi bari bahamagawe. Nyuma ariko ntabwo uyu mukinnyi bamujyanye mu banyuma (selection finale) kuko binjijemo undi mugenzi wabo wa APR FC wari uvuye mu mvune atarakoranye imyitozo nabo, Mvuyekure arasigara.

Amakuru akomeza avuga ko  Mvuyekure ngo yanze kujya mu myitozo y’Amavubi kuko abona ko buri gihe ahamagarwa muri ‘pre-selection’ gusa akabona ko abagenda baba basa n’abagenwe hatagendewe ku uko umukinnyi ahagaze.

Tanga igitekerezo na Facebook

Tanga igitekerezo