Emery Bayisenge yagiye mu igeragezwa muri Autriche

Yanditswe na Admin ku wa 15.07.2015 saa 13:58 | Yasuwe : 1,699
Umukinnyi myugariro  Bayisenge Emery warangije amasezerano ye muri APR FC kuri uyu wa kabiri saa kumi n’igice  yerekeje muri Autriche aho agiye gukora igeragezwa  mu ikipe ya Lask Linz FC.
Emery avuga ko agiye gupima amahirwe ye kuko iyi kipe yari yamwifuje kuva mu mpera z’ukwezi kwa Kamena  uyu mwaka akaba agiye gukora igeragezwa ry’igihe gito.
Yagize ati ” Zari inzozi zanjye  kwerekeza mu makipe yo hanze ni nayo mpamvu nzagerageza gushyiramo imbaraga mu gihe gito nzaba ndi mu igeragezwa kugirango bazabashe kumpa amasezerano”.
emery-bayisenge
Avuga ko ashimira ubuyobozi bw’ikipe ya APR bwamufashije gushaka ibyangombwa kugirango yerekeze muri Autriche kandi yifurije amahirwe  bagenzi be bo muri APR bagiye kwitabira Cecafa Kagame Cup izabera muri Tanzania kuva tariki 18 Nyakanga uyu mwaka .
Emery Bayisenge yakinnye mu ikipe y’Isonga mu mwaka wa 2008, aza kwerekeza  muri APR FC mu mwaka wa 2012 akaba yaramazemo imyaka itatu.
Bayisenge yanakinnye mu ikipe y’igihugu y’abatarengeje imyaka 17 mu mwaka wa 2009  yagiye mu marushanwa y’igikombe cy’Isi muri Mexique.
Ku myaka ye 21, Bayisenge akina nka myugariro mu ikipe y’igihugu y’abatarengeje imyaka 23 no mu ikipe y’igihugu Amavubi y’abakuru.
Tanga igitekerezo na Facebook

Tanga igitekerezo