El-Merreikh yegukanye Cecafa Kagame Cup 2014

Yanditswe na Admin ku wa 24.08.2014 saa 20:26 | Yasuwe : 1,443

Ikipe ya El-Merreihk yo muri Sudan yegukanye igikombe cya Cecafa Kagame Cup 2014 ihita ibona ibihumbi 30 by’amadorali nyuma yo gutsinda APR FC igitego kimwe ku busa mu mukino wabaye kuri iki cyumweru tariki ya 24 Kanama 2014 kuri Stade Amahoro.


Iki gikombe cyatanzwe na Perezida wa Repubulika y’u Rwanda Paul Kagame ari nawe muterankunga mukuru wa CECAFA y’amakipe.El-Merreihk akaba ari igikombe cya gatatu itwaye cya Cecafa ariko ibindi ikaba yarabitwariraga muri Sudani.

Igitego kimwe cya El-Merreihk cyatsinzwe hakiri kare na Wanga Allain ku munota wa 24 w’umukino.Muri rusange El Merreikh yerekanye ko ari ikpe ifite inararibonye kuko yagaragaje umukino urimo ubuhanga kuko kuva yatsinda igitego yashoboye kugihagararaho ikanyanyuzamo igasatira APR kuri za contre atttaque cyane cyane binyuze kuri Rutahizamu ukomeye cyane Traoré.

Emery Bayisenge yaje kuvunika mu gice cya mbere asimburwa na Rugwiro Herve, Songa Isaie asimbura Buteera Andrew naho Tibingana Charles asimbura Mwiseneza Djamal ku ruhande rw’ikipe ya APR ariko izi mpinduka ntacyo zatanze kuko igice cya mbere cy’umukino cyarangiye ari igitego kimwe cya El- Merreihk ku busa bwa APR FC.

Mu gice cya kabiri El- Merreihk yahinduye umukino ikora impinduka : Elbasha Ahmed yasimbuwe na Ramadan Agaba, Gabir Abdu Mohamed asimbura Allan Wanga, Ragi Abdalate yasimbuwe na Faisal Mousa Hussein.

El-Merreikh FC players celebrate after winning the Cecafa Kagame Club Cup Championship 2014  final match against APR FC  at the Amahoro National Stadium in Kigali on August 24,2014 El Merreikh won 1-0.Photo/Stafford Ondego/www.pic-centre.com/CECAFA (RWANDA)

Ikipe ya APR FC  yatsinzwe ku mukino wa nyuma yahawe ibihumbi 20 by’amadorali.Ikipe ya Police FC yegukanye umwanya wa gatatu yahawe ibihumbi 10 by’amadorali imaze gutsinda KCCA yo muri Uganda kuri penaliti 4 kuri 2.

Penaliti za Police FC zatsinzwe na Tuyisenge Jaques, Habimana Moussa, Ndaka Fredrick na Ngendahimana Eric.Iminota isanzwe y’umukino yari yarangiye amakipe yombi anganya igitego kimwe ku kindi, Police FC yari yatsindiwe na Jimmy Mbaraga ku munota wa 34, naho KCCA itsindirwa na Brian Umony ku munota wa 49.

CECAFA Kagame Cup ya 2013 yegukanywe n’ikipe ya Vitalo’o y’i Burundi itarahiriwe n’amarushanwa y’uyu mwaka.

Tanga igitekerezo na Facebook

Tanga igitekerezo