Degaule mu kanama gategura imikino Olympic Rio 2016

Yanditswe na Admin ku wa 26.09.2014 saa 17:31 | Yasuwe : 1,124

Umuyobozi w’ishyirahamwe ry’umupira w’amaguru mu Rwanda  (FERWAFA) bwana Nzamwita Vincent de Gaule yamaze gushyirwa mu kanama gashinzwe gutegura imikino ya Olympic 2016 muri Ruhago .

Nzamwita yemejwe muri aka kanama kuwa gatatu mu nama yabereye I Zurich, Switzerland.Aka kanama kayobowe na; Sheikh Salman Bin Ebrahim Al Khalifa ukomoka muri Bahrain, akaba yungirijwe na Marco Polo Del Nero uva muri Brazil.

Abandi bagize aka kanama ni; Lydia Nsekera (Burundi), Fok Timothy Tsun Ting (Hong Kong), Mircea Sandu (Romania), Michail Kassabov (Bulgaria), Yousuf Al Serkal (United Arab Emirates), Gabriel Ameyi (Togo), Serafin Boutureira (Venezuela), Serafin Boutureira (Jamaica) na Osiris Guzman (Dominican Republic).

Abandi ni Gurcharan Singh (Malaysia), Mahamoud Moctar (Chad) Sufri Bolkiah (Brunei Darussalam), Mirabror Usmanov (Uzbekistan) n’umujyanama mukuru Guilherme Marques ukomoka mu gihugu cya Brazil.

Aka kanama kazaba gashinzwe gutegura irushanwa ry’umupira w’amaguru ry’igikombe Olempike. Iyi mikino ya Olempike izabera I Rio de Janeiro, Brazil mu mwaka wa 2016 kandi aka kanama gasabwe kuyitegura nkuko bisabwa n’amategeko agenga aya marushanwa nkuko akubiye mu gitabo Olympic bakuze kwita ‘Olympic Charter’.

Nkuko De Gaulle yabitangaje kuri twitter ye, yagize ati “Nishimiye kuba nashyizwe mu kanama gashinzwe gutegura imikino ya Olympic Rio 2016.

dwguale

De Gaulle nyuma yo gusoza inama yari amazemo iminsi mu budage yahise aboneraho asura n’amahugurwa y’abatoza harimo n’abanyarwanda ari kubera mu budage. Tubibutse ko aya mahugurwa yitabiriwe n’uwahoze ari rutahizamu  ukomeye w’u Rwanda Jimmy Gatete wayitabiriye aturutse muri leta zunze ubumwe z’Amerika aho asigaye yibera.

Tanga igitekerezo na Facebook

Tanga igitekerezo