Chan 2018 : Manzi Thierry yashyizwe mu bakinnyi 11 beza baranze amatsinda

Yanditswe na Rwanda Football ku wa 29.01.2018 saa 16:20 |

Myugariro w’Amavubi na Rayon Sports Manzi Thierry yashyizwe ku rutonde rw’abakinnyi 11 bigaragaje mu mikino y’amatsinda mu gikombe cya CHAN 2018 gikomeje kubera muri Maroc.

Ni urutonde rwakozwe n’ikinyamakuru Goal mu nkuru cyahaye umutwe ugira uti ‘PICKING AN AFRICAN NATIONS CHAMPIONSHIP TEAM OF THE GROUP STAGE’. Iki kinyamakuru gishyira Manzi Thierry mu bugarira 2 (Centre-back) beza baranze icyiciro cy’amatsinda.

Mu byo bashingiraho harimo kuba Manzi Thierry yaratsinze igitego cy’umutwe cyiza ubwo Amavubi yakinaga na Equatorial Guinea mu mukino wa kabiri w’amatsinda kandi akaba yari ayoboye ubwugarizi bwamaze iminota 270 butaratsindwa igitego.

Goal ikomeza itangaza ko Manzi Thierry yagiye ahangana cyane cyane ku mipira yo mu kirere kandi akabyitwaramo neza u Rwanda rukina na Nigeria ndetse na Equatorial Guinea bigatuma rudatsindwa igitego kugeza ubwo rwatsindwaga na Libya igitego cyatumye ruviramo mu matsinda.

Thierry Manzi numwe muri ba myugariro b’Amavubi wakinanaga ishyaka ryinshi

Maroc yakiriye irushanwa ifitemo abakinnyi 5 harimo rutahizamu Ayoub El Kaabi watsinze ibitego 5 mu mikino y’amatsinda gusa ndetse akaba yanatsinze kimwe muri 2 Maroc yatsinze Namibia muri 1/4. Umunyezamu mwiza ni ukomoka muri Namibia.

Tanga igitekerezo na Facebook

Tanga igitekerezo

Powered by Live Score & Live Score App