Cecafa: Vital’o na Gor Mahia zasezerewe

Yanditswe na Rwanda Football ku wa 16.08.2014 saa 11:10 | Yasuwe : 1,200

 APR yaraye ishimangiye intsinzi yayo ikomeza kuyobora  itsinda B nyuma yo kunganya na  na Gor Mahia  yo muri Kenya ibitego 2-2 kuri uyu wa gatanu kuri Sitade ya Kigali i Nyamirambo.

Rutahizamu Mubumbyi Barnabe  winjiye asimbuye Iranzi Jean Claude  niwe watsinze igitego cya kabiri ku munota wa nyuma w’umukino gihita kinasezerera ikipe ya Gor Mahia mu marushanwa ya Cecafa Kagame Cup 2014.

Mu gice cya mbere nta kintu kigaragara cyabaye usibye ubusatirizi ku mpande zombi APR yakinaga yitonze kubera ko yarangije kwibonera itike yo muri 1/4. Ku munota wa 23 Jean Baptista Mugiraneza Miggy niwe wafunguye amazamu amakipe ajya  ajya mu kiruhuko ari 1-0 .

Mu gice cya kabiri, ikipe ya Gor Mahia yaje isatira cyane ikipe ya APR, ibituma babona igitego ku munota wa 59 gitsinzwe na Geofrey Baba Kizito kuri kufura yari itewe na David Owino.

cecafaaprgohmaia

Abakinnyi ba APR bishimira igitego cya mbere cya Miggy

Ku munota wa 87, Godfrey Walusimbi yatsinze igitego cya kabiri kuri kufura nziza nyuma yaho Ismail Nshutiyamagara akoreye ikosa George Odhiambo.

Mu gihe Gor Mahia yari yizeye itsinzi yayo ya mbere muri iri rushanwa, Mubumbyi yahise atsinda igitego cya kabiri kuri pase nziza yari itewe na Jean Baptista Mugiraneza Miggy .

Kunganya kwa APR byatumye ikomeza kuyobora itsinda B n’amanota 7, ikaba irusha KCCA ya Uganda inota rimwe mbere y’uko nahura mu mukino wanyuma w’itsinda B uzaba kuri iki cyumweru.

Atletico yatsinze Telecome ibitego 2-1 iri ku mwanya wa gatatu n’amanota 6 mu gihe Telecom iri ku mwanya wa kane n’amanota 3. Mugihe Telecom yaba itsinze Gor Mahia ku cyumweru, Atletico yahita isezererwa muri aya marushanwa.

Mu itsinda C, Vital’O yari ifite iki gikombe yasezerewe nyuma yo kunganya na El Merreikh igitego 1-1. Laudit Mavugo niwe watsinze igitego rukumbi cya Vital’O ku munota wa 30 maze Traore Mohamed aza kukishyura ku munota wa 63.

El Merreikh irangije imikino y’amatsinda iri ku mwanya wa kabiri n’amanota ane, irushwa na Police iyoboye iri tsinda n’amanota atanu.

Vital’O yatwaye iki gikombe umwaka ushize itashe ifite amanota ane ariko ikarushwa umubare w’ibitego byatsinzwe. Banadir irangije n’inota ifite nyuma yo gutsindwa imikino yose.

Imikino irakomeza kuri uyu wa gatandatu aho mu itsinda A aho Adama City ikina na Azam saa 3pm naho Rayon Sports ikaza gukina na Atlabara saa 5pm.

Imikino yo kuwa gatandatu

Adama City Vs Azam

Rayon Vs Atlabara

Tanga igitekerezo na Facebook

Tanga igitekerezo