Cecafa : Rayon na APR zihuriye muri 1/4

Yanditswe na Admin ku wa 19.08.2014 saa 08:54 | Yasuwe : 1,584

Imikino y’igikombe cya Cecafa Kagame Cup irakomeza kuri uyu wa kabiri taliki ya 19.Kanama.2014 i Nyamirambo  ubwo iba igeze muri 1/4

Umukino utegerejwe cyane ni uri buhuze amakipe ya mbere akomeye hano mu Rwanda kandi ahora ahanganye Rayon Sports Fc na APR fc .Aya makipe yombi ubu afite abatoza bashya b’abazungu , nibwo bwa mbere bagiye guhura ku mukino uvugisha benshi mu Rwanda. Buri mutoza akigera ino yatangaje ko agomba gutsinda mukeba none bihise byiuta bahurira  ku mukino wa 1/4  cya CECAFA Kagame Cup.

Umubiligi Jean Francois Losciuto yabwiye abanyamakuru ko azi neza ikipe ya APR FC kandi agomba kuyiyereka kuri uyu mukino.Ati “Umukino w’ejo ni nka Real Madrid na Barcelona zo muri Espagne, APR turayizi neza kandi tugomba kuyiyereka.”

losciutopetrovic

                             Petrovic Ljubomir  na Jean Francois Losciuto nibwo bwa mbere bagiye guhura

Umunya Seribiya utoza APR FC yatangaje ko ikipe ya Rayon Sports bayiteguye. Ibi yabivuze ku munsi w’ejo nyuma yo gutsindwa na KCCA yo muri Uganda bigatuma APR irangiza ku mwanya wa kabiri mu itsinda B igahura ityo na Rayon ya mbere mu itsinda A.

Muri CECAFA Kagame Cup 2005 nibwo APR na Rayon ziheruka guhura muri iri rushanwa. imikino yari yabereye i Mwanza muri Tanzania, nabwo hari muri ¼ byarangiye amakipe yombi anganya igitego 1-1 hongerwaho iminota 30 birangira ikipe ya APR FC ariyo itsinze uyu mukino.

Umukino uheruka guhuza izi kipe zombi mu Rwanda hari mu gikombe cy’Amahoro mu kwa gatandatu uyu mwaka, APR FC yatsinze Rayon Sports 2 – 1.

I Nyamirambo kuri uyu wa 19 Kanama saa kumi n’imwe haraca uwambaye hagati ya Rayon y’i Nyanza na APR FC y’ingabo muri 1/4 cya CECAFA Kagame Cup.

Dore gahunda ya 1/4

Ku wa kabiri tariki ya 19/8/2014-Imikino ya ¼ stade ya Kigali Nyamirambo

  • Police FC vs Atletico 15:00
  • Rayon Sports vs APR FC 17:00

Kwinjira: 10 000 Frw 5 000 Frw na 2000Frw.

Ku wa gatatu tariki ya 20/8/2014- Stade ya Kigali Nyamirambo

  • AZAM vs El Merreikh 15:00
  • KCCA vs Atlabara 17:00
Tanga igitekerezo na Facebook

Tanga igitekerezo