CECAFA: Kagere Meddy yafashije Gor Mahia gutsinda KMKM 3-1

Yanditswe na Admin ku wa 21.07.2015 saa 08:42 | Yasuwe : 1,538

Kuri uyu wa mbere CECAFA Kagame Cup yakomeje hakinwa imikino yo mu itsinda rya mbere aho ikipe ya Gor Mahia yo mu gihugu cya Kenya yitwaye neza itsinda ikipe ya KMKM yo mu gihugu cya Zanzibar ibitego 3-1.

gormahiaMu bakinnyi babanjemo harimo Abouba na Kagere b’abanyarwanda

Ku munota wa 3 gusa w’umukino, umukinnyi Meddie Kagere wa Gor Mahia yafunguye amazamu ku mupira yaherejwe neza na Michael Olunga. Nyuma yiminota 10, ikipe ya KMKM iza kwishyura ku gitego cyatsinzwe na Simon Mateo.

gormahia1Meddie Kagere yafunguye amazamu hakiri kare

Gor Mahia yabaye nk’itungurwa itangira gusatira n’imbaraga ngo irebe ko yabona igitego cya 2 ariko bikomeza kuyigora kuko KMKM yihagararagaho inyuma. Igice cya mbere cyarangiye nta yindi ikipe ibashije kureba mu izamu.

gormahia2Ni umukino wasifuwe na Kagabo Issa w’umunyarwanda

Mu gice cya 2 cy’umukino ikipe ya Gor Mahia yongeyemo imbaraga maze umukinnyi Nizigiyimana Abdul Karim Makenzie atangira guhindura imipira myinshi imbere y’izamu rya KMKM. Ku munota wa 69 ku mupira wahinduwe na Makenzie waje urenga abakina inyuma ba KMKM uhura na kabuhariwe Michael Olunga watsinze igitego cya 2.

gormahia3Michel Olunga yatsinze ibitego 2 muri uyu mukino

KMKM yashatse gufungura ngo ishake igitego ariko bikomeza kuyigora. Ku munota wa 81 w’umukino ku mupira warenguriwe Olunga vuba vuba, yahise atsinda igitego cya 3 ari nako umukino waje kurangira.

Uko imikino yagenze:

FC Khartoum (Sudan) 5-0 Telekom Djibouti (Djibouti)
Gor Mahia (Kenya) 3-1 KMKM (Zanzibar)

Umva ibyo Kagere Meddy yatangaje:

Dore uko byari byifashe mu mafoto :

Tanga igitekerezo na Facebook

Tanga igitekerezo