Cecafa izafungurwa na Rayon Sports ikina na Yanga

Irushanwa rya Cecafa Kagame Cup rizabera ino mu Rwanda rizafungurwa n’umukino wa Rayon Sports izakina na Yanga Africans yo mu Tanzania tariki ya 8 Kanama 2014.

Uwo mukino uzaba wabanjirijwe n’indi ibiri uwa mbere uzaba wahuje   Atlabara yo muri Sudani y’Amajyepfo na KMKM yo muri Zanzibar, uzakurikirwa na Gor Mahia yo muri Kenya izakina na KCCA yo muri Uganda.

Bonnie Mugabe umuvugizi w’Ishyirahamwe ry’umupira w’amaguru mu Rwanda (Ferwafa) yabwiye itangazamakuru ko  amakipe yose agomba kuba ari mu gihugu mu ntangiriro za Kanama 2014.Mugabe avuga ko iyo mikino iri ku rwego rwiza, kuko izakirwa n’u Rwanda kandi iterwa inkunga n’umukuru w’igihugu Paul Kagame.

rayapr14                                                  Rayon Sports yakinnye shampiyona 2013-2014
Andi makipe y’u Rwanda azaba ari muri iryo rushanwa azakina tariki ya 9 Nyakanga, Police FC yo mu Rwanda ubwo ikazakina na El Mereikh yo muri Sudani.Kuri uwo munsi APR FC nayo izakina umukino ubanza  na Flambeau de l’est yo mu gihugu cy’abaturanyi cy’Abarundi.

Imikino yo ku munsi wa kabiri izabimburirwa n’umukino uzahuza Vital ‘O’ yo mu Burundi na Benadir yo muri Somalia.

Imikino yo ku munsi wa mbere kugera ku wa 3 yose izajya ibera kuri Sitade Amahoro i Remera, mu gihe indi yose yo mu matsinda izajya ibera kuri Sitade ya Kigali i Nyamirambo.

Tanga igitekerezo na Facebook

Tanga igitekerezo