Cecafa : Azam yatangiye neza ,Mugiraneza Migi yinjiyemo asimbuye

Yanditswe na Admin ku wa 19.07.2015 saa 18:51 | Yasuwe : 1,319

Mugiraneza Jean Baptiste yakinnye umukino we wa mbere ubwo ikipe ye nshya ya Azam FC yo mu gihugu cya Tanzania yatsindaga ikipe ya KCCA FC yo mu Bugande igitego 1-0.

Uyu mukino wabereye kuri Uwanja wa Taifa, warangiye ikipe ya Azam FC itsinze igitego 1-0 cyabonetse mu gice cya mbere cy’umukino kinjijwe na kapiteni w’iyi kipe John Bocco bakunze kwita Adebayor.

Wari umukino wabonaga ko amakipe yombi ari mu rwego rumwe, ariko ikipe ya Azam FC ukabona ko ihererekanya neza kurusha ikipe ya KCCA yo mu Bugande, itozwa na Sam Ssimbwa wahoze ari umutoza wa Police FC ya hano mu Rwanda umwaka ushize w’imikino.

IMG_4328

Mu gice cya kabili  Ssimbwa yasimbuje abakinnyi 2 umukino utangira, ariko kureba mu izamu bikomeza kumubera ibamba  mu gihe umutoza Stewart wa Azam FC yari amaze kwinjiza mu kibuga umu nya cote d’Ivoire Kipre Tchetche ngo yongere imbaraga mu busatirizo, igihe byagaragaraga ko Didier Kavumbago biri kumugora.

KCCA yakomeje kotsa igitutu ikipe ya Azam, uyu mutoza ashyiramo umukinnyi we mushya Mugiraneza Jean Baptiste wavuye muri APR FC ngo agabanye igitutu yotswaga n’Abagande.

Azam FC yongeye gusatira, inahusha uburyo bubiri bwa John Bocco harimo n’umupira watewe na Kepre Tchetche ugafata igiti cy’izamu ukagaruka.

Uko imikino  yagenze ku munsi wa 2 :

  • Adama City (Ethiopia) 1-2 Malakia (South Sudan) (Group C)
  • LLB Academic (Burundi) 0-0 FC Hageen (Somalia) (Group B)
  • Azam FC (Tanzania) 1-0 KCCA (Uganda) (Group C)

Umva icyo Migi yatangaje :

Uko byari byifashe mu mafoto:

 

 

Tanga igitekerezo na Facebook

Tanga igitekerezo