Cecafa : Azam ya Migi yasezereye Yanga ya Haruna kuri Penaliti

Yanditswe na Admin ku wa 29.07.2015 saa 22:43 | Yasuwe : 2,368

Ikipe  Azam FC ya Mugiraneza Jean Baptiste “Migi” yasezereye kuri penaliti 5-3 Yanga ya Haruna Niyonzima muri ¼ cya CECAFA Kagame cup.

Nyuma y’iminota 90, Azam FC yanganyije na Yanga Africans, amakipe yaherukaga guhurira ku mukino wa nyuma wa CECAFA Kagame cup mu 2012, Watoto wa Jangwani batsinda Azam FC ibitego 2-0.

Amakipe yombi yagaragaje ubuhanga no kudakora ikosa ryavamo igitego, ba myugariro ba Azam FC Serge Wawa Pascal, Aggrey Morris na Kheri Salum bahagaze neza imbere ya ba rutahizamu ba Yanga Donald Ngoma, Deus Kaseke na Tambwe Amissi.

Ku ruhande rwa Yanga, Nadir Haroub na Kelvin Yondani bacunze neza abo kwa Azam FC John Bocco na Kipre Tchetche.Umutoza wa Azam FC, Stewart Hall yari yasabye Mugiraneza Jean Baptiste “Migi” gucunga ijisho ku rindi Niyonzima Haruna wagombaga kuyobora umukino wa Yanga.

migiharuna

Byabaye ngombwa ko bitabaza penaliti maze iza Azam FC zitsindwa na Kipre Herman Tchetche, Serge Wawa Pascal, John Bocco, Himid Mao na Aggrey Morris naho iza Yanga zinjizwa na Nadir Haroub ‘Cannavaro’, Salum Telela na Godfrey Mwashiuya.Umunyezamu wa Azam FC Aishi Salum Manula yakuyemo iya myugariro mushya wa Yanga, Mwinyi Hajji Mngwali.

Muri ½ cy’irangiza kuwa Gatanu, Azam FC izakina na KCC ya Uganda yatsinze Al Ahly Shendy ibitego 3-0 bya Joseph Ochaya, Muzamiru Mutyaba and Tom Masiko.

Undi mukino wa ½ cy’irangiza, Gor Mahia ya Sibomana Abuba, Kagere Meddie na Nizigiyimana Kharim izahura na Khartoum N. yasezereye APR FC iyinyagiye ibitego 4-0.

Mu makipe ane asigaye muri CECAFA Kagame, abiri niyo yatwayeho iki gikombe, Gor Mahia yagitwaye inshuro eshanu igiheruka mu 1985, KCC mu 1978 mu gihe ari inshuro ya mbere Khartoum ikinnye iyi mikino n’inshuro ya gatatu kuri Azam FC.

Ibyo Migi yatangaje :

Ibyo Haruna yatangaje :

Dore uko byari bimeze mu mafoto :

Tanga igitekerezo na Facebook

Tanga igitekerezo