Cecafa : APR , Shandy zakomeje muri 1/4, LLB na Heegan zasezerewe

Yanditswe na Admin ku wa 24.07.2015 saa 07:32 | Yasuwe : 952

APR Fc na Alhy Shandy nizo zashoboye gukomeza mw’itsinda B ry’Irushanwa rya Cecafa Kagame Cup ririmo kubera i Dar es Salaam muri Tanzania.

Mu mikino yabaye kuri uyu wa kane, APR Fc yashimangiye umwanya wayo wa mbere yatsinze LLB ibitego 2-1 hanyuma Al Ahly Shandy itsinda ibitego 3-2.

Mu mukino wayo wa gatatu APR Fc  yatsinze ikipe y’i Burundi LLB 2-1, ibitego bya APR Fc byatsinzwe na Sibomana Patrick kuri penaliti nyuma y’uko Manirakiza Aruna akoze umupira mu rubuga rw’amahina , iyo penaliti yishyuraga  igitego cya LLB cyatsinzwe na Nahimana Abdoul.Issa Bigirimana wahoze muri LLB yatsinze igitego cya kabiri ku mupira yari ahawe na Fiston Nkinzingabo ku munota wa 90.

APR FC yarangije imikino y’amatsinda ifite amanota 9, ikazakomezanya na Al Ahly Shendy, yatsinze FC Heegan ibitego 3-2 kuri uyu wa kane.

APR FC izakina umukino wa 1/4 ku wa 2, ihura n’ikipe ya 3 mu Itsinda rya 1.

DSC_0645

Mu itsinda B, APR Fc yarangije imikino y’amatsinda idatsinzwe, ikaba iri ku mwanya wa mbere n’amanota 9, Al Ahly Shendi iza ku mwanya wa kabiri 2 n’amanota 4, LLB AFC ku mwanya wa gatatu n’amanota 2 mu gihe Heegan FC ari iya nyuma n’inota rimwe.

  DSC_0542Abakinnyi 11 ba APR FC babanjemo: Ndoli Claude, Rusheshangoga Michael, Mubumbyi Barnabe/Ruhinda Faruk 46’, Rutanga Eric, Nsabimana Erick/Mukunzi Yannick 71’, Rugwiro Herve, Bigirimana Issa, Rwatubyaye Abdoul, Simbomana Patrick, Sekamana Maxime/Nkinzingabo Fiston 74’, na Buteera Andrew.

DSC_0548Abakinnyi 11 ba LLB AFC babanjemo: Mbonihankuye Innocent, Hakizi Mana Issa, Manirakiza Aruna,Kiza Fataki, Uwimana Messo, Duhayindavyi Gael, Nshimiri Mana Abassi, Ndaye Chancel, Niyonkuru Pascal/Iddy Said 49’, Ndarusanze Jean Claude na Murutabose Emedy/ Nahimana Abdoul 48’.

Kuri uyu wa gatanu hateganyijwe imikino ibiri, aho Al Khartoum ihura na Gor Mahia saa 13:00, amakipe yombi aranganya amanota 6 mu gihe guhera 15:00 KMKM yo muri Zanzibar ikina na Yanga Africans ya Haruna Niyonzima na Mbuyu Twite, aho basabwa gutsinda uyu mukino kugirango bizere kugaruka mu makipe ashobora gukina imikino ya 1/4 dore ko bafite amanota 3 gusa.

Ibyatangajwe nyuma y’umukino :

Umutoza wa LLB

Umutoza wa APR Mashami

Issa Bigirimana watsinze ikipe yahozemo

Tanga igitekerezo na Facebook

Tanga igitekerezo