Cecafa 2014 : Rayon Sports yatangiye inganya

Yanditswe na Admin ku wa 08.08.2014 saa 20:30 | Yasuwe : 906

Ubwo irushanwa rya Cecafa ryatangiraga kuri uyu wa gatanu Rayon Sports imwe mu makipe atatu ihagarariye u Rwanda yatangiye inganya na Azam yo muri Tanzania 0-0 mu mukino wabereye kuri Stade Amahoro.

Uyu mukino wari witabiriwe n’abakunzi  batari bacye ba Gikundiro nkuko bisanzwe bari biteguye kureba abakinnyi bashya umutoza Losciuto yahisemo kwifashisha muri ino Cecafa.

Ikipe ya Azam ni ikipe iri mu zikomeye muri kano karere ikaba nayo yari yaiteguye uno mukino nkuko byagaragaraga ko yarushaga Rayon Sports mu gice cya mbere  cyane cyane umukinnyi ukomeye cyane ukomoka muri Cote d’Ivoire Kipre Tche na Himid Mao Mkami.

Rayon Sports nubwo yageragezaga kwihagararaho ikoresheje cyane cyane Umunyezamu Bikorimana Gerard witwaye neza muri uyu mukino ,ntibyayibujije kurangiza igice cya mbere idateye mw’izamu.

cafa14rayazam2

Mu gice cya kabiri ibintu byaje guhinduka ubwo Rayon Sports yahinduye umukino  igasatira Azam ku buryo bugaragara , umutoza akaba yarinjijemo abakinnyi Kanombe, Kambale Salita na Yao Séklé Zico ariko ntibyagira icyo bitanga umukino urangira ari 0-0

Rayon Sports yaagaragaje amasura mashya   ariyo Mutombo Govin wavuye muri Espoir , BertrandYossam waturutse muri Mukura , Tubane James wavuye muri AS Kigali na Séklé Zico Yao wazanywe n’umutoza avuye muri Togo  .

Mu bakinnyi bitwaye neza harimo  ba myugariro Sibomana Abouba, Tubane James na Makenzie wongeyeho Mutombo Govin na Yossam Bertrand.

Abakinnyi 11 babanje mu kibuga: Ndayishimiye Jean Luc,Nizigiyimana Abdoul Karim,Sibomana Aboubacar,Tubane james, Serugendo Arafat, Sibomana Hussein, Robert Ndatimana , Mutombo Govin ,Yossam Bertrand,Uwambazimana Leon, Ndayisenga Fuadi  (C)

Undi mukino wo mw’itsinda A wabanjirije  wahuje KMKM yo muri Zanzibar na Atlabara ya South Sunda. Aya makipe yombi yanganyie igitego 1-1. Naho mu mu kino wo mu itsinda B KCCA yo muri Uganda itsinda Gol Mahia ya Kenya 2-1.Brian Majwega  na Brian Omony nibo batsindike KCCA naho Dan Sserunkuma  atsindira Gor Mahia igitego cyayo rukumbi.

Rayon Sports irongera gukina ku cyumweru na Adama City yo muri Ethiopia izagera mu Rwanda mu ijoro ryo kuri uyu wa Gatandatu naho Azam FC ikine na KMKM.

KCCA iyoboye itsinda B n’amanota 3 naho Gor Mahia ifite ubusa mu mukino umwe umaze gukinwa n’aya makipe.

Kuri uyu wa gatandatu, imikino irakomeza, aho Vital’O yo mu Burundi ifite iki gikombe iza gukina na Banadir yo muri Somalia saa 13h00; Police yo mu Rwanda ikina na El Mereikh yo muri Sudan saa 15h00 hakurikireho  umukino wa APR FC na Atletico yo mu Burundi.

Tanga igitekerezo na Facebook

Tanga igitekerezo