Cecafa 1/4: APR-El Khartoum, Azam ya Migi ikine na Yanga ya Haruna

Yanditswe na Admin ku wa 27.07.2015 saa 02:11 | Yasuwe : 2,357

Ikipe ya APR FC ihagarariye u Rwanda mu marushanwa ya CECAFA Kagame Cup izahura na Khartoum yo mu gihugu cya Sudani naho Yanga Africans ikinamo Haruna Niyonzima  ikine na Azam FC ikinamo Mugiraneza Jean Baptiste `Migi’ mu mikino ya kimwe cya kane’’.

Kuri uyu munsi wo ku cyumweru ni bwo hasojwe imikino yo mu matsinda mu irushanwa rya CECAFA Kagame Cup rikomeje kubera i Dar es Salaam.

Nkuko byari biteganijwe, ikipe ya APR FC yasoje iyi mikino ari iya mbere, yagombaga guhura n’iya gatatu mu itsinda rya mbere. Umukino wahuje ikipe ya Young Africans n’ikipe ya Khartoum warangiye ari igitego kimwe cya Yanga ku busa bwa Khartoum yo muri Sudani.

migiharuna

Ibi byatumye Yanga irangiza ari iya 2 mu itsinda rya mbere na ho iyi El Khartoum isoza ari iya gatatu, bisobanura ko El Khartoum izahura n’iyabaye iya mbere mu itsinda B ari yo APR FC yo mu Rwanda.

Ibi kandi byatumye ikipe ya Yanga yasoje ari iya kabiri mu itsinda A izakina na Azam FC yasoje ari iya mbere mu itsinda C. Ibi bisobanura ko Haruna Niyonzima wari na kapiteni ku mukino Yanga yatsinzemo Khartoum azaba ahanganye na Mugiraneza Jean Baptiste `Migi’ umaze igihe gito akinira Azam FC avuye muri APR FC

Mu yindi mikino ya kimwe cya kane cy’irangiza, ikipe ya Gor Mahia yo muri Kenya inahabwa amahirwe menshi yo kwegukana iri rushanwa izacakirana na Malakia yo muri Sudani y’Epfo mu gihe KCCA yo muri Uganda izahura na El Shandy yo muri Sudani.

Tanga igitekerezo na Facebook

Tanga igitekerezo