Casa Mbungo Andre muri Police FC

Casa Mbungo André wari umutoza wa AS Kigali niwe wahawe gutoza Police FC akaba yamaze gusinya amasezerano y’imyaka itatu.

Nkuko twabibabwiraga mu nkuru y’ubushize uyu mutoza nyuma y’uko umugande Sam Ssimbwa asezeye ku buryo butunguranye ku wa gatanu, yatangiye imishyikirano na Police FC.

Mu nshingano afite iyihutirwa  ni uguhita ategura imikino y’igikombe cya  ya CECAFA Kagame cup izatangita tariki ya 3 Kanama 2014 hano i Kigali.

cassa

Casa Mbungo asimbuye Sam Ssimbwa weguye kuri uyu wa Gatanu kubera impamvu z’umuryango.

Mu kiganiro n’abanyamakuru nyuma yo kwerekanwa n’ubuyobozi bwa Police FC, Casa yavuze ko agiye gutegura ikipe izagera kure nkuko iyo yarimo ya AS Kigali yageze muri 1/8 cy’irangiza muri CAF confederation cup.

Muri CECAFA Kagame cup, Police FC iri mu itsinda C na Vital’O yatwaye iki gikombe, Al-Merreikh (Sudani) yatwaye umwanya wa gatatu na Benadir yo muri Somalia. Iyi mikino izatangira tariki ya 3 – 24 Kanama 2014.

Tanga igitekerezo na Facebook

Tanga igitekerezo