CAF : U Rwanda rwatsinzwe , Congo niyo izakomeza

Yanditswe na Admin ku wa 30.08.2014 saa 14:35 | Yasuwe : 1,328

Kuri uyu wa gatandatu taliki ya 30.08.2014 nibwo Ferwafa yabonye email ya CAF  iyimenyesha ko ubujurire bw’u Rwanda bwakiriwe ariko ntacyo byahinduye ku myanzuro CAF yari yafashe yo guhagarika u Rwanda mu marushanwa yo guhatanira igikombe cy’Afrika

Kuri uyu wa gatatu, nibwo CAF  yumvise ubujurire bw’u Rwandanyuma yuko rugaragaje ko rutishimiye icyemezo rwafatiwe, cyo gusezererwa mu gikombe cy’Africa.

U Rwanda rwari rwari rwarezwe na Congo Brazzaville irushinja gukinisha umukinnyi Daddy Birori cyangwa Tagy Etekiama mu buryo butemewe n’amategeko kandi afite imyirondoro ibiri , bituma rusezererwa n’ubwo rwari rwatsinze Congo Brazzaville rukanayisezerera mu mikino nyafurika, ariko birangiye rusezererewe.

Congo Brazzaville ni yo izakomeza mu itsinda rya mbere ririmo Nigeria, South Africa na Soudan ikazakinira umukino ubanza mu cyumweru gitaha i Kalaba muri Nigeria.

Cafferwafa

Congo Brazzaville yareze u Rwanda nyuma y’ikirego cya Libiya yari yareze yemeza  ko Birori Daddy atari umunyarwanda, ariko icyemezo cyabo cyiza  guteshwa agaciro na CAF.

U Rwanda rwari  rwajuririye icyemezo cyafashwe na komisiyo itegura irushanwa ry’igikombe cy’Afurika cy’ibihugu, CAN ku ya 17 Kanama 2014, cyo guterwa mpaga mu mukino ubanza wa 37 waruhuje na Congo Brazza I Pointe Noire tariki 20/07/2014.

Iyo Komisiyo yahamije u Rwanda ikosa ryo gukinisha Birori Daddy, bavuga ko afite imyirondoro ibiri y’ubwenegihugu bubiri butandukanye.

Umuyobozi wa FERWAFA Nzamwita Vincent aherekejwe n’abanyamategeko Jean Olivier Mulindahabi na Ndagijimana Emmanuel bose bo muri FERWAFA bajuririye iki cyemezo ku wa gatatu w’iki cyumweru imbere y’akanama k’ubujurire ka CAF I Cairo mu Misiri.

Tanga igitekerezo na Facebook

Tanga igitekerezo