Bugesera yegukanye igikombe cya shampiyona y’icyiciro cya kabiri

Yanditswe na Admin ku wa 18.07.2015 saa 20:22 | Yasuwe : 458

Kuri uyu wa Gatandatu kuri Sitade ya Kicukiro , ikipe ya Bugesera Fc yatsinze Rwamagana Fc ibitego 2-0 ihita yegukana igikombe cya shampiyona y’icyiciro ca kabiri y’umwaka wa 2015.

Ibitego bibiri icya mbere cya Nzabanita David ku munota wa 29, icya kabiri cya  Ngabo Felix ku munota wa 73 byari bihagije guha umutoza Nsaziyinka Noah igikombe cya shampiyona cy’icyiciro cya kabiri.

Uyu mutoza wa Bugesera  Nsaziyinka avuga ko yishimiye ko intego zose bihaye muri uyu mwaka bazigezeho bafatanyije n’ubuyobozi bwabahaye ibishoboka byose kugira ngo babigereho.

bugeserachampion15

Yagize ati : “Mu myaka yashize inshuro eshatu twagiye tugarukira muri ½ ariko ubu tubashije kubigeraho twishimye kandi turanashima Imana yatumye tugera kuri ibi byose”.

Avuga ko ubu akazi ke gasa n’aho karangiye, ariko nibaramuka bamugiriye icyizere cyo gukomeza gutoza azabikora kuko ari ku rwego rwo gutoza muri shampiyona y’icyiciro cya mbere mu Rwanda.

Aya makipe yombi yabonye tike yo gukina imikino y’icyiciro cya mbere cy’umwaka wa 2015/16, zisimbuye Isonga na Etincelles zamanutse mu cyiciro cya kabiri.

Tanga igitekerezo na Facebook

Tanga igitekerezo