Bugesera na Rwamagana zazamutsemu cyiciro cya mbere

Yanditswe na Rwanda Football ku wa 11.07.2015 saa 20:20 | Yasuwe : 417

Amakipe Bugesera Fc na Rwamagana Fc zazamutse mu cyiciro cya mbere nyuma yo gutsinda imikino yo kwishyura ya kimwe cya kabiri y’icyiciro cya kabiri ya 2015/16 kuri uyu wa gatandatu tariki ya 11 Nyakanga 2015 .

Aya makipe aturuka mu ntara y’Uburasirazuba yabonye tike yo kuzamuka mu cyiciro cya mbere nyuma yo gusezerera ikipe y’akarere ka AS Muhanga na Sorwathe Fc.

Rwamagana FC yakoze akazi gakomeye cyane ubwo yatsindanga ikipe ya Sorwathe Fc ibitego 2-1, nyuma y’uko mu mukino ubanza amakipe yombi yari yanganyije igitego 1-1, hagati muri iki cyumweru, i Rwamagana.

Rwamagana Fc yabonye igitego mu gice cya mbere cy’umukino hanyuma Sorwathe iza kucyishyura mu gice cya kabiri, ariko mu minota ya nyuma hasigayeiminota itatu , ikipe ya Rwamagana iza kubona igitego cya kabiri kuri penaliti ku buryo byasabaga Sorwathe kubona ibitego bibiri ngw’ibashe gukomeza ariko niyabigeraho.

Iyo penaliti abakunzi ba Sorwathe ntibayishimiye ku buryo umukno urangiye bateje imvururu zikomeye mu kibuga  bashaka kwibasira abasifuzi abashinzwe umutekano barahagoboka barazihosha.

bugesera

Ikipe ya Bugesera FC yo yasezereye  As Muhanga ku gitego 1-0 mu mukino wo kwishyura cyatsinzwe  na Biramahire Abedi  ku munota wa 22 w’igice cya mbere cy’umukino.

Umutoza w’ikipe ya Bugesera Nsaziyinka Noel avuga ko bishimiye intambwe bateye yo kujya mu cyiciro cya mbere mu gihe batangiye kubihatanira hashize imyaka itatu.Yagize ati “twishimiye kuba tugeze ku ntego twihaye nubwo bitari byoroshye ndashimira abayobozi batubaye hafi ndetse n’abakinnyi bashyize hamwe tukabasha kugera mu cyiciro cya mbere”.

Avuga ko bahereye mu mwaka wa 2012 bifuza kuzamuka mu cyiciro cya mbere ariko buri giye bakagarukira muri ¼ cy’irangiza, ariko ubu bakaba babashije kubigeraho.

Rutayisire umutoza w’ikipe ya As Muhanga avuga ko Bugesera uyu mwaka wari uwayo bo bagiye gukomeza kwitegura umwaka utaha kuko kuba batabshije kugira mahirwe yo kuzamuka mu cyiciro cya mbere bitabaca intege.Avuga ko badacitse intege kuba basezerewe muri ½ ahubwo bagiye gushyiramo imbaraga bakazazamuka umwaka utaha.

Rwamagana Fc na Bugesera Fc zije zisimbura Isonga Fc na Etincelles Fc zamanutse mu cyiciro cya kabiri muri uyu mwaka wa shampiyona ya 2014/15.

Umukino wa nyuma wa shampiyona y’icyiciro cya kabiri uzakinwa tariki ya 18 Nyakanga 2015.

Indi kipe yabonye itike yo gukina muri shampiyona y’icyiciro cya mbere umwaka utaha ni Rwamagana City yatsinze igitego 1-0 Sorwathe mu mukino wo kwishyura.

Mu mukino ubanza wa ½ aya makipe yari yanganyije 1-1 ubu Rwamagana isezereye Sorwathe ku bitego 2-1.

Undi mukino wabereye i Rwamagana warangiye Sorwathe inganyije na Rwamagana igitego 1-1.

Umukino wa nyuma wa shampiyona y’icyiciro cya kabiri uzakinwa tariki ya 18 Nyakanga 2015.

Tanga igitekerezo na Facebook

Tanga igitekerezo