Bombori bombori n’ivuguruzanya mu buyobozi bwa Ferwafa

Yanditswe na Rwanda Football ku wa 22.08.2017 saa 07:21 | Yasuwe : 192

Mu gitondo cyo kuri uyu wa mbere tariki ya 21 Kanama nibwo ibaruwa yasinyweho na komite nyobozi ya FERWAFA isaba ibisobanuro perezida w’iri shyirahamwe bijyanye n’amafaranga y’iri shyirahamwe akoresha mu nyungu ze bwite yagiye ahagaragara.

Nyuma y’amasaha 24 arashira umwe mu bashyize umukono kuri iyi baruwa ari we Ndagijimana Emmanuel yigaritse bagenzi be.

Ni ibaruwa ahanini ishingiye ku bihumbi 20,000 by’amadorari(amafaranga arenga miliyoni 16 z’amafaranga y’u Rwanda) asanzwe atangwa na CAF mu gufasha abayobozi b’amashyirahamwe mu gihe cy’umwaka, Nzamwita De Gaulle agahita ayashyira kuri konti ye yose ndetse ngo imisoro yayo ikaba izishyurwa na FERWAFA (ay’uyu mwaka akaba azarangira mu kwa gatandatu kwa 2018). Nyuma y’izi mpamvu bongeyeho ko batanyuzwe n’imikoranire yabo na De Gaulle kuva muri 2014 bahita bamusaba ibisobanuro bitarenze amasaha 24.

Nzamwita Degaulle

Aya madorali abarwa mu gihe cy’umwaka, akaba ahabwa ishyirahamwe ry’umupira w’amaguru na ryo rikayagenera Perezida waryo bitewe n’imikorere ndetse n’ibyo basanzwe bamugenera.Mu Rwanda ariko ibi bikaba bitandukanye, cyane ko muri Ferwafa barimo bitegura amatora y’umuyobozi mushya, bityo ko aya madorali yagombaga gutegereza uzatorwa akayahabwa cyane ko afata umwaka uzarangirana na tariki ya 30 Kamena 2018.

Ibi ariko ntabwo byabujije umuyobozi w’iri shyirahamwe Nzamwita Vincent De Gaulle guhita ategeka ko aya madorali ashyirwa kuri Compte ye ibarizwa muri Banki ya Kigali, ndetse anategeka Ferwafa ko igomba kumwishyurira imisoro y’aya mafaranga ya CAF ibintu abayobozi bakorana bumva bidasobanutse. Dore uko babisobanura :

 

Nyuma y’uko iyi baruwa igiye ahagaragara, nta masaha 24 arashira, umunyamategeko wa FERWAFA Ndagijimana Emmanuel  yahise yandika indi baruwa ivuguruza iya mbere yasinyanye na bagenzi be avuga ko we yasinye mbere y’uko ibaruwa yandikwa kuko yihutaga, nyuma yasanze ibyo bumvikanye kwandika ataribyo banditse nk’uko bigaragara ku ibaruwa kuri iyo baruwa

 

Uyu mugabo ngo yari yumvikanye na bagenzi ko bari bwandike basaba De Gaulle gutumiza komite nyobozi niba hari ikibazo gihari bakakiganiraho aho kumwandikira bamusaba ibisobanuro, ngo kuko yihutaga afite gahunda nyinshi yahise abasinyira arigendera.

Tanga igitekerezo na Facebook

Tanga igitekerezo