Blaise Itangishaka ashobora gukina muri Espagne mu cyiciro cya kabiri

Yanditswe na Admin ku wa 23.06.2015 saa 16:10 | Yasuwe : 2,013

Nyuma y’imyaka ine amaze mu ishuri ryigisha umupira w’amaguru rya Barcelona riherereye i Dakar mu gihugu cya Senegal, umukinnyi Blaise Itangishaka ukomoka i Rubavu agiye kwerekeza mu gihugu cya Espagne.

Uyu mukinnyi ukiri muto yavuye mu Rwanda muri 2011 atoranyirijwe i Rubavu muri SEC Academy yerekeza muri ASPIRE Dome Academy  rimwe mu mashuli ya ruhago akorana bya hafi n’ikipe ya FC Barcelona yo muri Espagne.

blaiseitangishaka

Blaise Itangishaka (wambaye numero 10 ) ubwo yari mu ikipe y’igihugu Amavubi U17

Blaise Itangishaka uri mu Rwanda mu kiruhuko cy’ukwezi yabwiye Ruhago yacu ati: ” Imyaka 4 nari maze muri ASPIRE irarangiye, ubu umpagarariye yanshakiye ikipe muri Espagne, niho ngiye kwerekeza.”

Uyu musore yavuze ko agiye kwerekeza mu ikipe ya Unión Esportiva Cornellá yo mu cyiciro cya kabiri muri Espagne. Ati “ni ho ngiye gutangirira nk’uwabigize umwuga.”

Ikipe Unión Esportiva Cornellá Blaise yerekejemo yareze abakinnyi bakomeye mu makipe yo ku mugabane w’u Burayi barimo Jordi Alba ukinira FC Barcelona yo muri Espagne na Ignace Miquel wahoze akinira Arsenal yo mu Bwongereza kuri ubu uri muri Norwich City.

Tanga igitekerezo na Facebook

Tanga igitekerezo