Bizimana Djihad yerekeje mu Bubiligi mu igeragezwa

Yanditswe na Rwanda Football ku wa 12.04.2018 saa 11:46 |

Nyuma yo kudahirwa n’igeragezwa mu Budage mu ntangiriro z’uyu mwaka w’imikino, umukinnyi wo hagati wa APR FC n’ikipe y’igihugu Amavubi Bizimana Djihad asubiye kugeragezwa i Burayi. Ni muri Waasland Beveren yo mu kiciro cya mbere mu Bubiligi.

Bizimana Djihad yafashe indege imwerekeza mu mujyi wa Beveren uri mu majyaruguru y’Ububiligi. Ni mu igeragezwa ry’ibyumweru bine azakorera muri ‘Koninklijke Voetbalclub Red Star Waasland-Sportkring-Beveren’ yo mu kiciro cya mbere muri iki gihugu.

Bizimana Djihad

Umutoza wa APR FC Jimmy Mulisa ari mu bafashije Bizimana Djihad kujya muri iri geragezwa kuko Sportkring-Beveren yayikinnyemo mu mwaka w’imikino 2008-09 ayitsindira ibitego icyenda (9) mu mikino 30.

Yakurikiranywe anashimwa n’itsinda ry’abashinzwe kuyishakira abakinnyi  mu mikino mpuzamahanga yahuje amakipe y’ibihugu mu ntangiriro z’uyu mwaka ‘CHAN2018’ yabereye muri Maroc, no mu mikino ya CAF Confederation Cup yatsindiyemo APR FC ibitego bine mu mikino ine, byinshi kurusha abandi bakinnyi muri iri rushanwa.

Djihad Bizimana yarambagirijwe muri CHAN 2018

Sven Vermant utoza Sportkring-Beveren namushima akamuha amasezerano azaba umunya-Afurika wa kane muri iyi kipe nyuma ya; Jonathan Buatu Mananga (Angola), Cherif Ndiaye (Senegal), na Opoku Ampomah (Ghana). Nibidakunda azagaruka mu Rwanda tariki 9 Gicurasi 2018.

Tanga igitekerezo na Facebook

Tanga igitekerezo

Powered by Live Score & Live Score App