Birangiye Usengimana Faustin nawe agiye muri APR FC

Yanditswe na Admin ku wa 13.07.2015 saa 11:49 | Yasuwe : 1,333

Myugariro Usengimana Faustin wakiniraga ikipe ya Rayon Sports  na we yarangije  kwerekeza mu ikipe ya APR FC.

Nkuko twabibabwiraga mu nkuru y’ejo , uyu Faustion akurikiye Bizimana Djihad wagiye gusimbura Mugiraneza J.Batiste Miggy ubu ubarizwa muri Azam FC.

Amakuru atugeraho nuko Faustin we agiye  gusimbura Emery Bayisenge ugomba kwerekeza ku mugabane w’i Burayi mu gihugu cya Autriche.Uyu mukinnyi yamaze gushyikirizwa miliyoni 7 z’amafaranga y’u Rwanda agahita yerekeza muri iyi kipe ya APR FC.

Uyu mukinnyi yunvikanye na Rayon Sports amafaranga uyu mukinnyi yari yabaciye barayamwemereye  ababwira ko bategereza akaza gusinya.Ibi ni nako byagendekeye mugenzi we  Djihad ubwo yemeranyaga na Rayon Sports miliyoni 6 akabaca inyuma agasinya muri APR FC.

faustin1Faustin wemeranyije na APR FC kuri iki cyumweru byari byatangiye kunuganurwa ko azaza muri iyi kipe nyuma y’uko imufashije kwivuza ubwo yavunikiraga mu mukino  Rayon Sports ikina na Gicumbi hari ku munsi wa mbere  wa  shampiyona muri 2013.

Abakinnyi bamaze kuva muri Rayon Sports kandi bari bayifatiye runini  ni:  Nizigiyimana Abdul Karim na Sibomana Abuba berekeje muri Gor Mahia  muri Kenya,Ndatimana Robert werekeje muri Police, Ndayisenga Fuadi na Aphrodis Hategekimana Kanombe berekeje muri Sofapaka basinye imyaka ibiri ndetse na Djihad Bizimana wamaze gusinya mu ikipe ya APR FC.

Rayon Sports yamaze kugura uzasimbura Usengimana Faustin myugariro witwa Thierry wakiniraga Marines FC, bikaba byibazwa n’abakunzi bayo benshi akazoza k’iyi kipe y’ubururu n’umweru ikunzwe cyane mu Rwanda..

Tanga igitekerezo na Facebook

Tanga igitekerezo