Birangiye Sina Jerome agarutse muri Rayon Sports

Yanditswe na Admin ku wa 22.11.2014 saa 15:27 | Yasuwe : 968

Umukinnyi Rutahizamu Sina Jerome yasyize yerekeza muri Rayon Sports nyuma yo kugurwa muri Police FC .

Sina Jerome ni izina ryari rimaze iminsi rivugwa cyane mu bitangazamakuru by’imikino mu Rwanda kuko ikibazo cye na Rayon Sports na Police FC cyari kimaze igihe kinini kitarasobanuka ngo byemezw e burundu ko  azaba umukinnyi wa Rayon Sports.

Uyu munsi ku wa gatandatu taliki ya 22.11.2014 nibwo byatangajwe ko Sina Jerome abay umukinnyi wa Rayon Sports nyuma y’ibiganiro birebire hagati y’impande zombi.

sinajerome2na,jerome,rayon sports,police fc

Sina Jerome wahoze ari umukinnyi wa Police FC yaje gusezererwa biturutse ku cyemezo cyafashwe ko amakipe APR na Police FC zigomba gukinisha abakinnyi b’abanyarwanda , yahise yerekeza muri Rayon Sports  yamutanzeho miliyoni 9 bamugura muri Police FC, gusa biza kugaragara ko yari umukinnyi watijwe na DC Virunga igihe cy’umwaka umwe kandi Rayon Sports yo ivuga ko yaguze na Police FC contrat ye y’imyaka ibiri .

Sina Jerome yahoze muri Rayon Sports, akaba yarayikiniye imyaka itatu n’igice  mbere yo kuyivamo mu buryo budasobanutse akerekeza muri FC Lupopo, yavuyemo aza muri Police muri shampiyona ya 2013/2014.

Tanga igitekerezo na Facebook

Tanga igitekerezo