Bimwe mu byo wamenya kuri Rivers United izakina na Rayon Sports

Rivers United fc ni ikipe yo mu mujyi wa Port Harcourt muri Nigeria ikaba yambara ubururu n’umweru harimo n’umutuku muke.

Stade yayo yakiriraho amakipe yayisuye ni Liberation Stadium yakira abantu ibihumbi 30. Igiye guhura na Rayon Sports nyuma y’aho isezerewe na El Merreikh yo muri Sudani muri Champiin’s League. Ni ikipe ikina nk’ababigize umwuga (Professionnel) ikaba ifite abakinnyi bakomoka muri Nigeria,Cote d’Ivoire,Burkina Faso na Ghana. Ku bijyanye n’abafana, izwiho kuba ifite abakunzi bake.

Iyi kipe yabaye iya kabiri muri shampiyona ishize, ikinira ku kibuga cyitwa Liberation Stadium giherereye mu gace ka Elekahia, gifite ubushobozi bwo kwakira abafana ibihumbi 30.

Sitade ya Rivers United yakira abantu 30.000

Rivers United F.C ni ikipe yo mu cyiciro cya mbere muri shampiyona y’umupira w’amaguru muri Nigeria. Yashinzwe mu 2016 nyuma yo guhuzwa kw’amakipe ya Sharks F.C na Dolphins F.C. Iyi kipe iherereye mu Mujyi wa Port Harcourt muri leta ya Rivers iherereye mu Majyepfo y’iki gihugu.

Ihuzwa ry’aya makipe abiri (Sharks F.C na Dolphins F.C) ryabaye nyuma y’uko mu 2015, Sharks F.C yari igeze mu makipe ashobora kumanuka mu cyiciro cya kabiri (yari iya 17), maze umuyobozi ushinzwe imikino muri leta ya Rivers ahitamo kuzihuza zibyara Rivers United ndetse inafata umwanya Dolphins F.C yariho muri shampiyona.

Dolphins F.C mu 2005 yitabiriye irushanwa rya CAF Confederation Cup ndetse itsindirwa ku mukino wa nyuma na FAR Rabat yo muri Maroc. Iyi kipe yanasheshwe ifite ibikombe bitatu bya shampiyona n’iby’igihugu bine.

Nyuma y’umunsi wa 14 wa NPFL 2016/2017 ubu ihagaze ku mwanya wa 17 mu makipe 20 aho irushwa n’iyambere amanota11.Iyi kipe ariko ikaba igifite imikino 4 y’ibirarane kubera kwitabira igikombe cy’Afurika

Amakuru aturuka muri Nigeria atangaza ko Rivers United ari ikipe yanze kugurisha abakinnyi bayo i burayi ngo nayo ishaka kubanza kubakoresha no kubabyaza umusaruro.Mu mikino iheruka yakiniye ku kibuga cyayo, yatsinze Enugu Rangers 1-0 irongera kandi ihatsindira Al Marraikh 3-0 ibi bikaba bishimangira ko ari ikipe yo kwitondera

Tanga igitekerezo na Facebook

Tanga igitekerezo