Bimwe mu byaranze irushanwa “CECAFA Kagame Cup”

Yanditswe na Rwanda Football ku wa 21.07.2015 saa 01:18 | Yasuwe : 629

ku italiki 18 Nyakanga 2015  i Dar es Saalam muri Tanzania hatangiye irushanwa rihuza amakipe yo mu karere k’Afurika y’i Burasirazuba n’ayo hagati “CECAFA Kagame Cup 2015″  , iri rushanwa rizasozwa ku ya 02 Kanama 2015.

Ku nshuro yaryo ya 40, amakipe agabanyije mu matsinda 3 harimo irikomeye cyane ari ryo rya A ririmo ibihangange  nka Yanga Africans (Tanzania), Gor Mahia (Kenya), Khartoum (Sudan), Telecom (Djibout) na KMKM (Zanzibar). Irindi ni itsinda  B ririmo APR FC (Rwanda), Al Shandy ( Sudan), LLB ( Burundi) na Hegaan FC ( Somalia. Irya nyuma C rikabamo Azam FC (Tanzania), Malakia (South Sudan), KCC (Uganda), Adama City (Ethiopia).

Imvaho Nshya ducyesha iyi nkuru ifashishije bimwe mu bitangazamaku byo muri aka karere k’Afurika y’i Burasirazuba  birimo “Kawowo”, “Dailynation” n’ibindi  yegeranyije ibintu by’ingenzi ukwiye kumenya kuri iri rushanwa ryitiriwe Perezida w’u Rwanda Paul Kagame, kubera uruhare agira mu guteza imbere umupira w’akarere, akaba anatera inkunga iri rushanwa y’ibihumbi 60 by’amadorali ahabwa amakipe nk’ibihembo kuva muri 2002.

Al-Merrikh-2014

1.Iri rushanwa ryatangiye ryitwa “CECAFA Club Championship.” Muri  2002 nibwo ryiswe wa “CECAFA Kagame Cup”, mu rwego rwo gushimira Perezida Paul Kagame, utera  inkunga y’ibihumbi 60 by’amadolari byo guhemba amakipe yitwaye neza, uko ari atatu ya mbere.

  1. Tanzania yakiriye CECAFA y’uyu mwaka ni yo ifite agahigo ko kwakira CECAFA inshuro nyinshi zigera kuri 12 ushyizemo n’iyi ngiyi, ikurikiwe na Kenya yayakiriye inshuro 9 hamwe na Uganda imaze kwakira  inshuro 6, mu Rwanda imaze kuhabera inshuro 5 (2000,2004, 2007,2010 na 2014).
  2. Kuva CECAFA yatangira gukinwa mu 1974, inshuro imwe ni yo yonyine itabayeho mu 1990.
  3. Simba SC yo Muri Tanzaniya ni yo ifite ibikombe byinshi bya CECAFA bigera kuri bitandatu (1974, 1991, 1992, 1995, 1996  na 2002) mu nshuro 11 yari yageze ku mukino wa nyuma. Yatsindiwe ku mukino wa nyuma inshuro 5, agahigo isangiye na APR FC  yo mu Rwanda (1996,2000, 2005,2013 na 2014 ).
  4. Gor Mahia na AFC Leopards zo muri Kenya zatwaye  iki gikombe inshuro 5. Kuri Gor Mahia, harimo inshuro  ebyiri yegukanye iki gikombe ikitwa Luo Union (1976 na 1978), Leopards yo  igitwara rimwe ikitwa Abaluhya(1979).
  5. AFC Leopards yo muri Kenya, yahoze yitwa Abaluhya FC, ni yo yatwaye igikombe cya CECAFA cya mbere mu 1967 itsinze Sunderland FC yo muri Tanzania ibitego 5-0, hari mu gihe iri rushanwa ryarimo rikiyubaka. Ababishinzwe bo bemeza ko Simba FC ari yo yatwaye igikombe cya mbere mu 1974, itsinze Abaluhya FC.
  6. Amakipe yo muri Kenya ni yo yatwaye iri rushanwa inshuro nyinshi (15), Tanzania (11), Uganda (6), Rwanda inshuro 5 aho Rayon Sports yagitwaye mu 1998, APR FC muri 2004,2007 na 2010 na ATRACO FC itakibaho muri 2009 , Sudan (3) and Burundi (2).
  7. Sam Timbe, Umutoza ukomoka muri Uganda uri gutoza Sofapaka FC ni we ufite agahigo ko gutwara ibikombe mu makipe menshi atandukanye (4). Harimo igikombe yatwariye muri SC Villa yo muri Uganda (2003), Police FC yo muri Uganda (2006), ATRACO FC mu Rwanda (2009) na Young Africans ya Tanzania (2011).
  8. Amakipe atandatu ni yo yatwaye ibikombe hifashishijwe Penaliti ku mukino wa nyuma. Muri zo harimo KCC yatsinze Simba penaliti 3-2 mu gihe umukino wari warangiye ari 0-0 mu 1978, El Merreikh itsinda Young Africans  penaliti 4-2  bari banganyije ibitego 2-2.Simba yari yaguye misiwi na Young Africans mu 1992,  yayitwaye igikombe itsinda mukeba iyitsinze penaliti 5-2. Mu 1995 Simba SC yo muri Tanzaina yatsindiye kuri penaliti 5-3 Express yo muri Uganda. Mu 1999, Young ya Tanzania itsindira kuri Penaliti 4-1 Villa SC yo muri Uganda hamwe na Tusker  yatwaye iki gikombe muri 2001 kuri penaliti 3 ku busa bwa Oserian nayo yo muri Kenya.
  9. Imikino 8 ni yo imaze kuba ihuje amakipe akomoka mu gihugu kimwe , ibintu byakozwe n’amakipe yo mu bihugu bya Kenya na Tanzania gusa. Aha twavuga, Simba – Young (1975), Gor Mahia – Abaluhya (1980), Gor Mahia – AFC Leopards (1985), Young Africans – Simba (1992), AFC Leopards – Kenya Breweries (1997), Tusker – Oserian (2001), Young Africans – Simba (2011) ana Young Africans – Azam (2012).

Uretse AFC Leopards nta yindi kipe iragera ku mukino wa nyuma inshuro 3 zikurikiranya.  AFC Leopards (1982,1983 na 1984) izindi kipe zose ni inshuro ebyizi zikurikiranya, Gor Mahia (1976 na 1977) yongera muri 1980 na 1981, Tusker FC (1988 na 1989)yongera (2000 na 2001),Simba SC (1991,1992) yongera  (1995 na 1996),Yanga Africans (2011 na 2012) na APR FC yo mu Rwanda (2013 na 2014).

Muri uyu mwaka wa 2015, CECAFA Kagame Cup 2015 igiye kuba ku nshuro ya 40. Ikipe ya Al-Merrikh yo muri Sudani ifite igikombe giheruka cya 2014 ubwo cyaberaga mu Rwanda  ntabw

Tanga igitekerezo na Facebook

Tanga igitekerezo