Bekeni azahembwa miliyoni mu Magaju

Yanditswe na Admin ku wa 02.08.2014 saa 08:50 | Yasuwe : 1,188

Bizimana Abdul bita Becken umutoza watozaga Etincelles y’i rubavu mu majyaruguru ubu werekeje mu ikipe y’i Nyamagabe mu majyepfo Amagaju azajya ahembwa miliyoni y’amafaranga y’u Rwanda (1,000,000 Frw ) ku kwezi.

Becken  uzwi cyane mu itangazamakuru kubera urwenya rwe  aremeza ko umushahara we uzajya ubanza kuvamo imisoro.Mu kiganiro yagiranye n’ikinyamakuru Izuba Rirashe yagize ati “umushahara uracyari ibanga, wowe uhembwa angahe?”. 

Abajijwe ku byavuzwe ko ahembwa miliyoni mu ikipe y’Amagaju FC, Becken yagize ati “bavanamo imisoro? Nubaza ayo bakata uzahita umenya ayasigaye”.

bekeni                                                                           Umutoza Becken (Photo Izuba Rirashe)

Turatsinze Amani umuyobozi w’ikipe ya Etincelles FC yavuze ko Becken yababwiye ko ashaka kwerekeza ahandi bazajya bamuhemba aruta ayo Etincelles imuhemba.Amani yagize ati “ajya kujya mu ikipe y’Amagaju FC yatubajije niba twabona miliyoni tumuhemba, turamuhakanira, atubwira ko mu y’Amagaju FC bazajya bayamuha”.

Becken yatangarije ikinyamakuru Izuba Rirashe ko mu gihe kiri mbere agomba gutangiza iyo kipe imyitozo kugira ngo izitware neza muri shampiyona y’umupira w’amaguru ya 2014-2015. 

Uyu mutoza yagiye mu ikipe y’Amagaju avuye muri Etincelles FC yo mu Karere ka Rubavu aho yahembwaga 600.000 FRS umushahara atishimiraga akazasimbura  asimbura Okoko Godfroid. 

Ikipe y’Amagaju yarangije shampiyona iri ku mwanya wa 11 muri shampiyona, itsinzwe imikino 15, itsinze 6 ku buryo byavugwaga ko ishobora gusubira mu cyiciro cya kabiri.

Tanga igitekerezo na Facebook

Tanga igitekerezo