Bayisenge Emery yasinye umwaka umwe muri Lask Linz FC yo muri Autriche

Yanditswe na Admin ku wa 30.07.2015 saa 02:17 | Yasuwe : 1,911

Bayisenge Emery wari myugariro w’ikipe ya APR FC n’ikipe y;igihugu Amavub yamaze gusinya amasezerano y’umwaka umwe  mu ikipe ya Lask Linz FC muri Autriche.

Ni nyuma y’aho uyu mukinnyi yarangije amasezerano ye muri APR FC muri Kamena uyu mwaka akaba yarerekeje muri Autriche tariki ya 14 Nyakanga aho yaragiye mu igeragezwa.

Bayisenge yatangaje ko yamaze gusinya masezerano y’umwaka umwe akazatangirana  na shampiyona izatangira muri Nzeli uyu mwaka.Yagize ati “Nishimiye kuba nabashije kubona amasezerano kandi nzagerageza gukoresha neza aya mahirwe”.Akomeza avuga ko ashimira cyane ubuyobozi bwa APR bwamuhaye amahirwe akaba ageze kuri uru rwego.

bayisengeautriche

Bayisenge Emery ari kumwe n’umukozi ushinzwe abakinnyi mw’ikipe ya Lask Linz FC (ifoto/internet)

Emery Bayisenge yakinnye mu ikipe y’Isonga mu mwaka wa 2008, aza kwerekeza  muri APR FC mu mwaka wa 2012 akaba yaramazemo imyaka itatu. Ku myaka 21, Bayisenge akina nka myugariro mu ikipe y’igihugu y’abatarengeje imyaka 23 no mu ikipe y’igihugu Amavubi y’abakuru.

Ni ku nshuro ya gatatu, Bayisenge ajya kugerageza amahirwe i Burayi kuko muri 2012 yari yagiye muri Toulouse yo mu Bufaransa naho mu 2013 ajya muri Zulte Walgem yo mu Bubiligi ubu akaba yarerekeje muri  Lask Linz FC muri Autriche.

Ikipe Emery yasinyemo ya LASK Linz imaze kwegukana igikombe cy’igihugu  inshuro 4 kuva mu mwaka wa 1965, 1967, 1970 na 1999.Iyi kipe yashoje shampiyona y’icyiciro cya kabiri  iri ku mwanya wa gatatu umwaka ushize.

Tanga igitekerezo na Facebook

Tanga igitekerezo