As Kigali yisubije umwanya wa mbere itsinze Musanze FC

Yanditswe na Rwanda Football ku wa 12.03.2018 saa 21:35 |

Muri uyu mukino wari ubereye ijisho,ikipe ya AS Kigali yafunguye amazamu ku munota wa 23 ku gitego cyatsinzwe na Ndahinduka Michel,Ntamuhanga Tumaini Tity yahise ashyiramo icya 2 ku munota wa 24 maze abakinnyi ba Musanze batangira kwibaza ibiri kubabaho.

Ku munota wa 34 Imurora Japhet yishyuriye Musanze FC igitego cya mbere ndetse abakinnyi b’ikipe yo mu majyaruguru bagaruka mu mukino nuwo ibyishimo byabo bitatinze kuko bahise batsindwa igitego cya 3 nyuma y’iminota 2 cyatsinzwe na Ngama Emmanuel ku ishoti rikomeye yateye.

Abarebaga uyu mukino bagize ngo baimo kureba ikinamico,kuko ku munota wa 38 ikipe ya Musanze FC yahise ibona igitego cya 2 cyatsinze na Mudeyi Suleyman,amakipe yombi ajya kuruhuka ari 3 bya AS Kigali kuri 2 bya Musanze FC.

Mu gice cya kabiri,ikipe ya Musanze yaje yariye karungu maze Bokota Labama yishyurira Musanze FC igitego biba 3-3,mbere y’uko umusore Ndarusanze abonera AS Kigali igitego cy’intsinzi ku munota wa 53.

Uyu mukino wari ubereye ijisho kuko amakipe yombi yari yafunguye ari byo byatumye igice cya mbere kibonekamo ibitego 5 mu gihe umukino wose ubonetsemo ibitego 7.

Nyuma y’umunsi wa 15 wa shampiyona,AS Kigali niyo iyoboye urutonde rw’agateganyo rwa shampiyona n’amanota 29,Kiyovu Sports iri ku mwanya wa 2 n’amanota 28, mu gihe Rayon Sports iri ku mwanya wa 3 n’amanota 27.

Musanze yo itanafite umutoza mukuru magingo aya, igumye ku mwanya wa 10 ku rutonde rwa shampiyona n’amanota 17.

Amafoto :

Tanga igitekerezo na Facebook

Tanga igitekerezo

Powered by Live Score & Live Score App