As Kigali yafashe umwanya wa mbere

Yanditswe na Admin ku wa 21.03.2015 saa 21:00 | Yasuwe : 665

Ikipe ya As Kigali igeze ku mwanya wa mbere iwuvanyeho Apr FC muri shampiyona nyuma yo gutsinda Musanze FC 2-0 ku munsi wa 21 .

Igitego cya mbere cya As Kigali cyatsinzwe na Sugira Ernest naho icya kabiri gitsindwa mu gice cya kabiri na Bariyanga Hamdan.

Umutoza wungirije wa As Kigali, Mateso Jean de Dieu atangaza ko n’ubwo bageze ku mwanya wa mbere bitavuze ko bamaze kwegukana igikombe cya shampiyona, ariko ko byose bishoboka.Uyu mutoza avuga ko mu gihe hakiri indi mikino batakwemeza ikipe izegukana shampiyona kandi ko byose bishoboka .

Umutoza wungirije wa Musanze FC, Nyandwi Idriss atangaza ko shampiyona igeze ahakomeye, ariko bakaba bagomba gukosora amakosa barimo bakora mu mikino ishize.Nyandwi avuga ko n’ubwo batarimo kwitwara neza bagifite imikino yindi muri shampiyona bakaba bagomba gukora ibishoboka byose kugira ngo bitware neza.

askigaliapr

Uyu mutoza atangaza ko mu mikino isigaye itanu muri iyo 3 bagomba kuyikinira iwabo bityo bakaba batagomba kuyitakaza ahubwo bagomba gushaka instinzi.

Ikipe ya As Kigali iri ku mwanya wa mbere muri shampiyona n’amanota 41 mu gihe ikurikiwe na APR FC n’amanota 40.Mu wundi mukino wabaye kuri uyu wa gatandatu tariki ya 21 Werurwe 2015, ikipe y’Amagaju FC yatsinze Police FC ibitego 2-1.

Uko indi mikino iteganyijwe ku cyumweru tariki ya 22 Werurwe 2015

APR FC Vs Mukura Victory Sport (Mumena)

Sunrise FC Vs Etincelles (Rwamagana)

SC Kiyovu Vs Rayon Sports (Stade Amahoro)

Gicumbi FC Vs Espoir FC (Gicumbi)

Marines FC Vs Isonga FC (Tam Tam)

Tanga igitekerezo na Facebook

Tanga igitekerezo