APR yohereje abakinnyi gushaka ibyangombwa Uganda

Abakinnyi batatu ba APR FCmuri iyi minsi baherereye muri Uganda aho bagiye gushaka ibyangombwa bibahesha indangamuntu zigaragaza ko ari ab

Abo bakinnyi ni Buteera Andrew , Tibingana Charles  na Ruhinda Farouk bakaba barasabwe n’ubuyobozi bwa APR FC  kujya gihugu cya Uganda aho bavukiye gushaka ibyangombwa bibahesha uburenganzira bwo kubona indangamuntu z’u Rwanda.

aprplayersug

Ubuyobozi bwa APR FC butangaza ko aba bakinnyi ari abanyarwanda ndetse ko kuba berekeje muri Uganda ari uko ariko amategeko abivuga.Ku byerekeye umukinnyi  Ndahinduka Michel  (Bugesera), batangaza ko  we iki kibazo kitamureba  kuko afite umubyeyi w’umunyarwanda.

Mu rwego rwo gushaka gukinisha abakinnyi b’abanyarwanda  ikipe ya Police FC yasezereye abakinnyi batanu bari bamaze iminsi bayikinira nk’abanyarwanda ariko bakaba batarashoboye kubona ibyangombwa bibyemeza.

Ikipe ya APR FC ni imwe mu makipe akinisha abakinnyi b’abenegihugu gusa kandi ngo ino politiki ntabwo yiteguye kuyihindura vuba. Iyi kipe ikaba ikomeje kwitegura shampiyona y’umwaka utaha aho ubu iri kuvugana n’amakipe atandukanye ngo ibe yakina imikino ya gicuti.

Tanga igitekerezo na Facebook

Tanga igitekerezo