APR na Rayon zizakina ibirarane nyuma yo kwibuka

Yanditswe na Rwanda Football ku wa 08.04.2015 saa 21:43 | Yasuwe : 662
Ikipe ya APR FC na Rayon Sports ziratangira gukina imikino y’ibirarane bya shampiyona nyuma y’icyumweru cyo kwibuka tariki ya 15 Mata 2015.
Ni imikino itarakiniwe igihe kuko ayo makipe yari yitabiriwe imikino nyafurika, nk’uko bitangazwa n’Ishyirahamwe ry’umupira w’amaguru mu Rwanda (FERWAFA).
Rayon Sports ifite imikino ibiri y’ibirarane: Uwa Etincelles FC ndetse n’uwa Sunrise FC.APR Fc ifite imikino y’ibirarane irimo Marines FC na Gicumbi FC.
aprayoncaf
Ikipe ya APR FC izakina na Marines FC tariki ya 15 Mata umukino uzabera ku Kicukiro.Rayon Sports izakina uwo mukino nyuma y’uko isezerewe na Zamalek mu marushanwa y’amakipe yitwaye neza iwayo ku mugabane w’Afurika (CAF Confederations Cup) tariki ya 5 Mata 2015.
APR FC na yo igarutse muri shampiyona nyuma y’uko isezerewe na Al Ahly mu mikino y’amakipe yabaye ayambere iwayo ku mugabane w’Afurika (CAF Champions League) tariki ya 4 Mata 2015.
Indi mikino izasubukurwa ku munsi wa 23 wa shampiyona
Kuwa gatandatu, tariki 18 Mata 2015:
Police FC Vs Musanze FC (Kicukiro)
Mukura Victory Sports Vs Isonga FC (Muhanga)
Kiyovu Sports Vs Gicumbi FC (Mumena)
Sunrise FC Vs Espoir FC (Rwamagana)
Ku cyumweru, tariki 19 Mata 2015:
APR FC Vs Amagaju FC (Mumena)
AS Kigali Vs Rayon Sports (Kicukiro)
Marines FC Vs Etincelles FC (Tam Tam).
Tanga igitekerezo na Facebook

Tanga igitekerezo