APR na Rayon zatsinze imikino ya mbere y’ibirarane

Nyuma yo gusezererwa mu mikino y’ibikombe by’Afurika , APR Fc na Rayon Sports zegukanye amanota atatu ku mikino yazo ya mbere y’ibirarane y’umunsi wa 17 zinyagiye amakipe aMarines FC na Etincelles z’i Rubavu ibitgo 8-0 zombi.

I Kigali kuri Sitade ya Kicukiro  ikipe y APR FC APR Fc yatsinze Marines y’i Rubavu  ibitego 4-1 naho i Muhanga mu Ntara y’amajyepfo Rayon Sports itsinda Etincelles  ibitego 4-0.

Ku Kicukiro, ikipe y’ingabo  yabonye amanota atatu yatumye inisubiza umwanya wa mbere w’agateganyo ibifashijwemo na bamyugariro bayo Herve Rugwiro, Abdul Rwatubyaye, Michel Rusheshangonga n’umusore ukina kuruhande asatira Fiston Nkezingabo batsinze ibitego 4 naho Mugenzi Bienvenue abonera Marines FC igitego cy’impozamarira penaliti.

rusheshangoga

Iyi tsinzi yafashije APR Fc gusubira ku mwanya wa mbere n’amanota 44 mu mikino 21, ikaba irusha AS Kigali umubare w’ibitego izigamye (+25) kuko aya makipe yombi anganya amanota.

APR Fc isigaje gukina na Gicumbi FC kugira ngo yuzuze imikino 22 imaze gukinwa n’anandi makipe.

I Muhanga, Rayon sport yatsinze Etincelles  ibitego  4-0 bya Fuadi Ndayisenga, Aphrodis Hategikimana ndetse na  bibiri bya Kevin Ishimwe. Ku mutoza wa Rayon Kayiranga Baptiste niyo Ntsinzi ye ya mbere kuva yasubira mu ikipe y’i Nyanza.

Rayon yahise izamuka kurutonde rwa shampiyona iva ku mwanya wa 8 igera ku wa gatanu n’amanota 30.

Tanga igitekerezo na Facebook

Tanga igitekerezo