APR na Rayon Sports zohereje intonde z’abakinnyi muri CAF

Yanditswe na Admin ku wa 05.01.2015 saa 14:37 | Yasuwe : 1,004

Amakipe azahagararira igihugu cy’u Rwanda mu mikino nyafurika ya Orange Champions League na Confederation Cup, APR Fc na Rayon Sports zamaze kohereza abakinnyi bagateganyo bazikinisha muri CAF.

Aya makipe yombi yatanze intonde z’abakinnyi babo nkuko byasabwaga na CAF kuri tariki ya 30/12/2014. Izi ntonde nz’izagateganyo kugeza igihe CAF izazemeza bitewe niba abakinnyi bose bujuje ibyangombwa. Bitewe n’ibisubizo bya CAF, aya makipe ashobora kongeramo cyangwa bagasimbuza abakinnyi bamwe n’abamwe.

Ikipe ya APR Fc izakina imikino ya Champions League aho izahura n’ikipe ya Liga Muçulmana yo muri Mozambique hagati y’amatariki 13,14 na 15/2/2015 aho umukino ubanza uzabera I Maputo mbere y’uko APR FC yakira iyi kipe i Muhanga hagati y’itariki 27 na 28/2 n’iya 1/3/2015.

rayonapr1415m

APR FC iramutse isezereye ikipe ya Liga Muçulmana yahita ihura n’ikipe ya Al Ahly yatwaye irushanwa ry’uyu mwaka rya Champions League, mu gihe iramutse irenze iki cyiciro yazahura n’imwe mu makipe nka C.O.B. yo muri Mali, M.A.T. yo muri Marooc Malakia yo muri Sudani y’epfo cyangwa Kano Pillars yo muri Nigeria.

Ikipe ya Rayon Sports izahura na Panthere du NDE yo mu gihugu cya Cameroun, umukino ubanza ukazabera muri Cameroun, hagati ya tariki ya 13 na 15 z’ukwezi kwa 2, muri 2015. Umukino wo kwishyura uzabera mu Rwanda nyuma y’ibyumweru 2.

Abakinnyi 27 ni bo Rayon Sports yatanze ku rutonde rw’agateganyo, bakaba banarimo abakinnyi batatu bashya bakomoka mu gihugu cya DR Congo aribo; Kabamba Tshishimbi Papy wahoze akinira TP Mazembe na Kengi Mutombo Junior wakiniraga AS Bantou.

Abo nibo bakinnyi amakipe y’Urwanda yatanze muri CAF:

APR FC: Olivier Kwizera, Yves Rwigema, Albert Ngabonziza, Herve Rugwiro, Eric Nsabimana, Yannick Mukunzi, Jean Baptista Mugiraneza, Emery Bayisenge, Barnabe Mubumbyi, Maxime Sekamana, Patrick Sibomana, Jean Claude Iranzi, Ismael Nshutinamagara, Andrew Butera, Tumayine Ntamuhanga, Djamal Mwiseneza, Bertrand Iradukunda, Hegman Ngomirakiza, Yves Kimenyi, Michel Rusheshangoga, Eric Rutanga, Michel Ndahinduka, Yannick Bukebuke, Issa Bigirimana, Abdoul Rwatubyaye, Fiston Nkizingabo na Jean Claude Ndoli.

Rayon Sports:Eric Ndayishimiye, Huberton Manzi Sincere, Karim Nizigiyimana, Djihad Bizimana, Frank Romami, Bakari Sibomana, Afrodise Hategikimana, Jean Paul Havugarurema, Isaac Muganza, Robert Ndatimana, Fuadi Ndayisenga, Vivien Niyonkuru Tuyisenge, James Tubane, Bernard Uwayezu, Faustin Usengimana, Emmanuel Imanishimwe, Peter Otema, Moses Kanamugire, Eric Irambona, Leon Uwambazimana, Gerard Bikorimana, Alype Majyambere, Jerome Sina, Junior Keng Mutombo, Papy Kabamba Tshishimbi, Alexis Ganza na Theophile Musoni.

Tanga igitekerezo na Facebook

Tanga igitekerezo