APR na Police zitwaye neza ku munsi wa kabiri

Ku munsi wa kabiri w’umunsi wa kabiri wa shampiyona wakomeje kuri uyu wa gatatu wasize amakipe akomeye hano mu Rwanda yose yitwaye neza.

Nyuma ya Rayon Sports yihereranye ikipe y’Amagaju ikayitsinda 5-0,ku Kicukiro ikipe ya Police FC nayo yunzemo itsinda Kiyovu Sports ibitego 5-0.Ibintu byatunguye cyane abafana ba Kiyovu batatasobanukiwe ibyo ikpe yabo yabakoreye

Muri uyu mukino umukinnyi Jacques Tuyisenge yatsinze ibitego bitatu ibindi bitsindwa na Mugabo Gabriel hamwe na Eric Ngendahimana .

Jacques-Tuyisenge1

Undi mukino wari utegerejwe ni uw’ikipe ya As Kigali yari yakiriye APR FC kuri stade ya Kigali .Iikipe ya As Kigali muri iyi minsi itozwa na Eric Nshimiyimana wanyuze  muri APR FC inshuro ebyiri hakaba hari n’abakinnyi ba As Kigali baturutse muri APR .

APR FC yigaragaje cyane biturutse ku mukiinyi yakuye muri Rayon Sports  Mwiseneza Jamal wanatsinze  igitego cye cya mbere muri APR kandi anahereza umupira wavuyemo igitego cya kabiri cyatsinzwe na  Iradukunda Bertrand.

As Kigali nayo yabonye igitego kuri penalty cyatsinzwe n’umukinnyi wavuye muri APR Sugira Ernest umukino urangira ari As Kigali 1-2 APR .

Jacques-Tuyisenge

Tuyisenge Jacques yatsinze ibitego 3 Kiyovu wenyine

Ikipe ya Mukura isigaye yakirira imikino yayo i Kigali yahatsindiwe na Gicumbi  igitego 1-0 cyatsinzwe na Bulega Ahmed Umar Ali ku munota wa 45 w’umukino . Umutoza Kayiranga Batista wavuye muri gicumbi akaba yatsinzwe na Ruremesha Emmanuel nawe wigeze guca muri Mukura

Ikipe nshya muri shampiyona Sunrise  fc   yaboneye intsinzi yayo ya mbere kuri stade Umuganda aho yatsindiye Marines  igitego 1-0 cya  Munyankindi Patrick kuri Coup Franc .

Amagaju FC aherutse kunyagirwa na Rayon Sports 5-0 yisubiyeho atsinda Espoir 1-0, igitego cya Bakundukize Adolphe naho Musanze yari yakiriye  Etincelles   yayitsinze 1-0 cya Habimana Hassan Pappy yatsindiye kuri stade Ubworoherane igitego 1-0.

Rayon Sports  na Police nizo ziyoboye urutonde rwa shampiyona zikaba zirushanwa ibitego gusa nubw0 zinganya amanota na APR FC.

Tanga igitekerezo na Facebook

Tanga igitekerezo