APR na Police zanganyije umukino ubanza wa 1/2 cy’Igikombe cy’Amahoro

APR na Police banganyije umukino ubanza wa kimwe cya kabiri w’igikombe cy’amahoro wakinwe kuri iki Cyumweru kuri Sitade ya Kicukiro.

Umukino warangiye amakipe yombi anganya igitego 1-1. Police niyo yafunguye amazamu ku munota wa 12 gitsinzwe na Idesbald Nshuti nyuma y’ubwumvikane bucyee hagati ya ba myugariro ba APR Ismail Nshutinamagara na Emery bayisenge hamwe n’umunyezamu wabo Jean Claude Ndoli.

Igitego cya APR Fc cyo kwishyura cyabonetse ku munota wa 84 gitsizwe na Mugiraneza Jean BaptisteMiggy  kuri passe y’umutwe yari ahawe na Michel Ndahinduka.

policeaprpeace15

Aya makipe azakina umukino wo kwishyura kuwa gatatu hanyuma ikipe izatsinda izahura n’izaba yatsize hagati ya Rayon Sports n’Isonga mu mukino wanyuma uteganyijwe kuba kuwa Gatandatu tariki 4 Nyakanga 2015.

Rayon Sports yatsinze Isonga ibitego 2-1 kuwa gatandatu irakira Isonga mu mukino wo kwishyura kuri uyu wa kabiri kuri Sitade ya Kicukiro.

Ikipe izegukana igikombe cy’amahoro izahagararira U Rwanda mu mikino nyafurika ya CAF Confederation Cup mu mwaka wa 2016.

APR FC yegukanye iri rushanwa, ikipe ya AS Kigali yabaye iya kabiri muri shampiyona, ni yo yazagararira u Rwanda muri iri rushanwa Nyafurika.

Tanga igitekerezo na Facebook

Tanga igitekerezo