APR ikomeje kwegera igikombe , Rayon Sports yazamutse

Yanditswe na Admin ku wa 19.04.2015 saa 23:37 | Yasuwe : 624

APR Fc yiyongereye amahirwe yo kwegukana igikombe cya shampiyona y’icyiciro cya mbere y’uyu umwaka nyuma yo gutsinda Amagaju ibitego 2-0 mu mukino w’umunsi wa 23 wabaye kuri iki cyumweru kuri Sitade ya Kicukiro.

Ibitego bya APR Fc byatsinzwe na Ndahinduka Michel na Bigirimana Issa maze bifasha iyi kipe ya gisirikare kugwiza amanota 47 mu mikino 22. APR FC irarusha AS Kigali amanota atatu mu gihe hasigaye imikino itatu ya shampionat, APR FC yo ikaba ifite isigaje ine kuko ifite ikirarane na Gicumbi FC. Amahirwe menshi yo kwegukana igikombe ubu akabar ari mu ruhande rwa APR FC.

Mu mukino wabereye kuri Sitade Muhanga, Rayon Sports yatsinze AS Kigali igitego 1-0 bituma izamuka ku mwanya wa kane n’amanora 33, ikaba inganya na Gicumbi yamanutse ku mwanya wa gatanu.

Ni umukino ikipe ya AS Kigali yashakaga amanota atatu kugira ngo ikomeza kwiruka inyuma ya APR FC mu guhatanira igikombe cya shampiyona, mu gihe Rayon Sports yashakaga kwihorera kuri iyi kipe nayo yayibujije igikombe umwaka ushize wa shampiyona.

Rayon6

Ikipe ya AS Kigali ni yo yihariye igice cya mbere, abasatirizi bayo bagiye babona amahirwe akomeye yo kubona igitego ariko umunyezamu Jean Luc Ndayishimiye bita Bakame ahaba ibamba iki gice kirangira ari ubusa ku busa.

Mu gice cya kabiri Rayon Sports yabaye nk’igaruka mu mukino itangira kwiharira umupira no guhererekanya umupira neza no kotsa igitutu izamu rya AS Kigali, ku munota wa 80 Isaac Muganza winjiye mu kibuga asimbuye myugariro Faustin Usengimana yatsinze igitego ku mupira mwiza yarahawe na Fuad Ndayisenga.

Uyu mukino ikipe ya  Rayon Sports yatsinze watumye izamuka kurutonde rwa shampiyona iva ku mwanya wa 5 izamuka ku mwanya wa kane n’amanota  33, iranganya na Gicumbi zigatandukanwa n’ibitego zizigamye .

Rayon Sporst yatumye mukeba wayo APR FC amahirwe yo kwegukana igikombe cya shampiyona yiyongera kuko mu gihe ikipe ya AS Kigali yatsitaraga i Muhanga yo yahise itsinda ikipe y’amagaju ibitego 2-0 Ibitego bya Ndahinduka Michel ndetse na  Bigirimana Issa maze bifasha iyi kipe ya gisirikare kugwiza amanota 47 mu mikino 22.

Igitego cya Rayon Sports cyatsinzwe na Isaac Muganza winjiye mu mukino asimbuye myugariro Faustin Usengimana. Muganza yatsinze iki gitego ku munota wa 80 nyuma y’umupira yari ahawe na Djihad Bizimana nubwo umunyezamu Batte Shamiru yagerageje kuwukuramo ariko nyuma yaho awumushubije, Muganza yaje kuwuboneza mu nshundura.

AS Kigali yagumye ku mwanya wa kabiri n’amanota 44 mu mikino 23 imaze gukina muri uyu mwaka wa shampiyona.

Shampiyona izakomeza tariki 29/04/2015 n’imikino itatu itari yari yarakiniwe ku gihe. APR Fc irerekeza mu mujyi wa Gicumbi gukina na Gicumbi Fc ; Rayon Sports yakire Sunrise Fc I Muhanga naho Marines na Etincelles zirahurira ku kibuga cya Nengo (Tam Tam).

Muri rusange uku niko umunsi wa 23 wagenze :


Umunsi wa 23,
Police1-0 Musanze
Mukura 1-1 Isonga
Kiyovu 1-0 Gicumbi
Sunrise 1-0 Espoir
APR 2-0 Amagaju
AS Kigali 0-1 Rayon Sports

 

Tanga igitekerezo na Facebook

Tanga igitekerezo