APR FC yatsindiwe i Kigali na Espoir FC

Yanditswe na Rwanda Football ku wa 25.05.2019 saa 21:26

Ikipe ya APR FC yaraye itwawe igikombe cya shampiyona na Rayon Sports,yatsinzwe na Espoir FC ibitego 2-1, mu mukino w’umunsi wa 29 yakinnye byo kurangiza umuhango.

Muri uyu mukino w’umunsi wa 29 wa shampiyona utitabiriwe n’abafana benshi,APR FC yatsinzwe ibitego 2-1 mu gice cya kabiri na Espoir FC yambutse ishyamba rya Nyungwe ije kuyihimuraho dore ko mu mukino ubanza yayitsinze igitego 1-0 I Rusizi.

APR FC niyo yafunguye amazamu bwa mbere ku gitego cyatsinzwe na Hakizimana Muhadjiri, ku munota wa 61 w’umukino mu gihe Espori FC yaje gutsindirwa igitego cyo kwishyura na Kyambade Fred ku munota wa 72 .

Ku munota wa 90 w’umukino, Espori FC yaje gutsinda igitego kabiri cyatsinzwe na Nkunzimana Sadi ku mupira yahawe neza na Kyambade Fred gituma itahana amanota atatu.

APR FC yarangije igice kibanza cya shampiyona irusha Rayon Sports amanota 14 yose,yitwaye nabi mu mikino y’igice cya kabiri cya shampiyona,byatumye yose ayoyoka,birangira itwawe igikombe.

Mu gihe habura umunsi umwe ngo shampiyona irangire,Rayon Sports yatwaye igikombe irarusha APR FC amanota arindwi yose,kuko ifite amanota 69 kuri 62 ya APR FC.

Uko imikino yabaye uyu munsi yagenze:

APR FC 1-2 Espoir FC
Marines 0-0 Sunrise
Kiyovu 0-0 Amagaju

Urutonde  nyuma y’umunsi wa 29 wa shampiyona isigaje umukino umwe 

Pos   Team Pld W T L GoalsDiff Pts
1 Rayon Sports 30 23 3 4 52 - 14+38 72
2 APR FC 30 20 5 5 47 - 16+31 65
3 Mukura VS 30 17 8 5 38 - 22+16 59
4 Police FC 30 15 5 10 46 - 34+12 50
5 Kiyovu Sports 30 12 7 11 31 - 21+10 43
6 Espoir FC 30 11 7 12 33 - 41-8 40
7 As Kigali 30 9 12 9 38 - 30+8 39
8 Etincelles FC 30 11 4 15 25 - 29-4 37
9 As Muhanga 30 9 9 12 41 - 410 36
10 Marines FC 30 8 11 11 20 - 24-4 35
11 Sunrise FC 30 8 11 11 28 - 34-6 35
12 Bugesera FC 30 8 11 11 30 - 42-12 35
13 Musanze FC 30 9 7 14 25 - 38-13 34
14 Gicumbi FC 30 8 7 15 20 - 43-23 31
15 Kirehe FC 30 6 9 15 18 - 39-21 27
16 Amagaju FC 30 5 6 19 22 - 46-24 21
Tanga igitekerezo