APR Fc yatangiye Cecafa Kagame Cup yitwara neza

Yanditswe na Admin ku wa 18.07.2015 saa 22:14 | Yasuwe : 998

Kuri uyu wa Gatandatu i Dar es Salaam muri Tanzania,ikipe ihagarariye U Rwanda mu mikino ya Cecafa Kagame Cup APR FC yatangiye yitwara neza aho yatsinze AlAhly Shandy yo muri Soudan igitego 1-0 mu mukino w’itsinda B.

Igitego kimwe rukumbi cyatsinzwe  nicyo cyahesheje amanota atatu ikipe ya APR FC  na Djihad Bizimanaku munota wa 64 maze bituma iyi kipe ya gisirikare igera ku ntego yo gutangira aya marushanwa itsinda.

Iki gitego cyatsinzwe n’umukinnyi mushya Djihad Bizimana APR FC yavannye muri Rayon Sports .Uyu musore akaba atsinze igitego cye cya mbere yambaye umwenda w;umweru n’umukara nyuma y’iminota 64 n’ine gusa.

Muri uyu mukino amakipe yose yahatakanaga ku mpande zombi, ariko ikipe ya APR FC bikagaragara ko irusha Al Shandy, ariko ikabura uburyo. APR FC  yahabwaga amahirwe mbere y’umukino, ni yo n’ubundi yatangiye ihanahana neza gusa abasore bayo barimo Michel Ndahinduka bite Bugesera  bakagenda bahusha uburyo bwinshi bwatumye igice cya mbere kirangira ari 0-0.

Umukinnyi w’umukino yabaye Yannick Mukunzi. Nyuma Yannick yatangaje ko yishimye cyane kuba ariwe mukinnyi w’uwo mukino kandi ko bakinnye umukino wari ukomeye. Patrick Sibomana bita Pappy wa APR FC yakubise umutambiko w’izamu ku munota wa 70 mu gihe umuzamu wa Al Shandy yabanje kuwukoraho.

Ngaboyisibo Albert na Iranzi Jean Claude babonye buri wese  ikarita y’umuhondo.Bigirimana Isaa yasimbuye Mububyi Bernabé , Iranzi Jean Claude asimbura Nkinzingabo naho Patrick Sibomana asimburwa na Buteera Andrew.

IMG_3699

Mu gice cya kabiri, ikipe ya Al Ahly Shandy yaje yisubiyeho ariko ugenda ihusha uburyo bwinshi  kugeza aho ku munota wa 64 Bizimana Djihad yarekuye  ishoti rikomeye inyuma y’urubuga rw’amahina  aboneza umupira mw’izamu rya Al Ahly Shandy.

Mu minota yanyuma, Al Ahly Shandy yagerageje gusatira izamu rya APR Fc ariko aba basore babyitwarami neza hanyuma umukino urangira begukanye intsinzi y’igitego 1-0.

APR FC ikaba izongera gukina kuwa kabiri tariki ya 21/7/2015 ikina n’ikipe ya Heegan yo muri Somalia.

Mu yindi mikino yabaye kuri uyu wa gatandatu, KMKM ya Zanzibar yatsinze Telecom ya Djibouti igitego 1-0 hanyuma Gor Mahia itsinda Young Africans yo muri Tanzania ibitego 2-1 mu itsinda A.

Uko amatsinda ahagaze mu mikino ya CECAFA Kagame Cup:

Itsinda A: Yanga yo muri Tanzania, Gor Mahia yo muri Kenya, Khartoum-N yo muri Sudan, Telecom yo muri Somalia, KMKM yo muri Zanzibar.

Itsinda B: APR FC yo mu Rwanda, Al Shandy yo muri Sudan, LLB AFC yo mu Burundi, Heegan FC yo muri Somalia.

Itsinda C: Azam FC yo muri Tanzania, Malakia yo muri Sudani y’Epfo, KCCA yo muri Uganda, Adama City yo muri Ethiopia.

Imikino izaba kuri iki cyumweru tariki ya 19 Nyakanga 2015, LLB Vs Heegan, Adama City Vs Malakia naho Azam FC Vs KCCA.

Ibyatangajwe nyuma y’umukino :

Umutoza wa APR FC Mashami avuga kuri Djihad

Kapiteni wa APR FC Kodo

Umutoza wa APR FC Mashamiavuga ku mukino

Bizimana Djihad

Tanga igitekerezo na Facebook

Tanga igitekerezo