APR FC yasezerewe na Al Ahly yo mu Misiri

Nkuko byari byitezwe na benshi ikipe ya APR FC yasezerewe mu mukino wigikombe cy’amakipe yabaye aya mbere iwayo ku mugabane w’Afurika (CAF Champions League), aho ayo makipe yari ageze muri 1/16.

Uwo mukino wo kwishyura wabaye kuri uyu wa gatandatu tariki ya 4 Mata 2015 mu Misiri warangiye APR FC isezerewe nyuma yo gutsindwa itego 2-0 mu mukino wo kwishyura nkuko byari byagenze mu mukino ubanza wabereye mu Rwanda aho APR FC yatsinzwe ibitego 2-0, ubwo mu mikino ibiri ubanza n’uwo kwishyura ikaba itsinzwe ibitego 4-0.

Myugariro wa APR FC, Bayisenge Emery yagize ikibazo cy’imvune mu gice cya mbere cy’umukino asimburwa na Rwatubyaye Abdoul.

apralahly15

Nshutiyamagara Ismael bita Kodo myugariro wa APR FC wari wajyanye na bagenzi be afite ikibazo cy’imvune ntiyabashije gukina uwo mukino.

Kuri uyu mukino nta bafana bari ku kibuga usibye abashinzwe umutekano abatoza n’abakinnyi.Umutoza wungirije Mashami Vincent kimwe na Mugisha Ibrahim umutoza w’abazamu ntabwo batoje uwo mukino kubera ibihano bafatiwe n’Ishyirahamwe ry’umupira w’amaguru mu Rwanda (FERWAFA) bitewe n’imvururu zabaye mukino wa shampiyona wayihuje na Espoir FC.

Abakinnyi babanje mu kibuga ku ruhande rw’ikipe ya APR FC

Umuzamu: Kwizera Olivier.

Ba myugariro: Rusheshangoga Michel, Ngabo Albert, Herve Rugwiro na Emery Bayisenge.

Abakina hagati:Yannick Mukunzi, Buteera Andrew, Iranzi Jean Claude na Bertrand Iradukunda.

Ba rutahizamu: Issa Bigirimana na Ndahinduka Michel.

Biteganyijwe ko ikipe ya APR FC izagera mu Rwanda kuwa kabiri tariki ya 7 Mata 2015

Tanga igitekerezo na Facebook

Tanga igitekerezo