APR FC yaguze abakinnyi batatu yavanye muri Police FC

Abakinnyi batatu ba Police FC barimo umuzamu  Emery Mvuyekure, Imran Nshimiyimana ukina hagati na Habyarimana Innoncent berekeje muri APR FC.

Amakuru aturuka muri  bamwe mu bashinzwe ikipe ya APR FC aravuga ko abo bakinnyi bamaze gusinyira iyo kipe.Abo bakinnyi basinye amasezerano yo gukinira APR FC kuri uyu wa Gatatu tariki ya 14 Nyakanga 2016.

Habyarimana Innoncent wari kapiteni wa Police FC mu gihe gishize yari yananiwe kumvikana n’iyo kipe kubera ko ibyo yasabaga atabihabwaga ngo yongere amasezerano.Nshimiyimana Imran we yifujwe na APR FC umwaka ushize.

Police FC yari yaratangiye ibiganiro n’aba basore ngo ibongerere amasezerano, ariko ntibumvikanye ku mafaranga, bituma bemera miliyoni umunani bahabwaga na APR FC, basinya kuzakinira iyi kipe y’ingabo imyaka ibiri.

Aba bakinnyi bitezweho byinshi muri APR C
Aba bakinnyi bitezweho byinshi muri APR C

Umwe muri aba bakinnyi, Innocent Habyarimana wari kapiteni wungirije wa Police FC yabwiye Umuseke ko anenga bamwe mu bayobozi ba Police FC.

Ubundi kuva muri Police FC nkasezera abantu tumaranye imyaka ine birumvikana ko bitanyoroheye. Twagerageje kuganira na Police FC ngo turebe ko twayigumamo ariko tukabona bamwe mu bayobozi ntibaduha agaciro dukwiye. Niyo mpamvu njye na bagenzi banjye twahisemo kujya muri APR FC, kuko nubwo nta minsi itatu ishize tuganira bo baje baduha ibyo twifuza.

nnocent Habyarimana (iburyo)yanenze bamwe mu bayobozi ba Police FC
nnocent Habyarimana (iburyo)yanenze bamwe mu bayobozi ba Police FC

Icyatubabaje ni uko umwe mu bayobozi ushinzwe ubuzima bwa buri munsi bwa Police FC  yavuze ngo tugende nta kinini twafashije ikipe. Kandi twarayihesheje igikombe cy’Amahoro umwaka ushize, ibintu byari byarananiye abanyamahanga batubanjirije muri Police FC. Gusa nta kundi.”- Innocent Habyarimana

Uyu musore anenga abayobozi ba Police FC, ngo kuko niba bashaka igikombe, ntibakwiye kwemera ko abo yagenderagaho bayiviramo rimwe.

Mu gihe Police FC ifite umutoza mushya Seninga Innocent, ishobora gutakaza abandi basore barangije amasezerano barimo; Mwemere Ngirinshuti (ushobora kujya muri AS Kigali), Mohamed “Meddy” Mushimiyimana, Kalisa Rachid (uzajya MFK Topvar Topoľčany yo muri Slovakia), na Eric Ngendahimana.

 

Tanga igitekerezo na Facebook

One thought on “APR FC yaguze abakinnyi batatu yavanye muri Police FC

  • 17/07/2016 at 13:54
    Permalink

    Mur’abo uko ari batatu, uwarukyenewe yaba wenda ar’umunyezamu !
    Iyo ureba ibitego Apr FC yinjije, ntabwo bigaragarira abayobozi bayo nko nta ba rutahizamu bagira ?
    Aho kugura abo kurindika hagati, ntabwo ari ba rutahizamu bari bakyenewe ?

    Reply

Tanga igitekerezo