APR FC yaba yaguze umukinnyi wari warangije gusinyira Rayon Sports !

Yanditswe na Admin ku wa 12.08.2017 saa 00:01 | Yasuwe : 224

Umusore Bimenyimana Bonfils Caleb wari wasinyiye Rayon Sports amasezerano y’imyaka ibiri  ndetse akerekanwa n’iyi kipe mu myenda yayo yaba yamaze gusinyira ikipe ya APR FC mu gihe byavugwaga ko ari iwabo mu Burundi yitegura kuza gutangira imyitozo muri Rayon Sports.

Mu makuru yasesekaye kuru uyu wa gatanu ni uko uyu musore atigeze asinya amasezerano yuzuye kuko ngo ni imbanzirizamasezerano ndetse ntiyigeze ahabwa amafaranga yo kumugura yose na Rayon Sports. Bakimara kuganira uyu musore yahise yerekeza mu Burundi bivugwa ko aribwo yatangiye ibiganiro n’ikipe ya APR FC yari yaramufashije kubona ibyangombwa byo gukina nk’Umunyarwanda none inkuru imaze kuba kimomo ko uyu musore yahinduye ibitekerezo bye akerekeza muri APR FC.

Uyu musore ufite ababyeyi b’Abanyarwanda ntacyo aratangaza kuri aya makuru ndetse no muri APR FC ntabwo barabishyira ahagaragara cyane ko ikunze kugira ubwiru amakuru aba ayirimo.

Kugeza ubu turacyabakurikiranira aya makuru gusa benshi mu bakurikiranira hafi iyi kipe baremeza ko aya makuru ari impamo ko iyi ari indi gapapu ikomeye APR FC ikubise Rayon Sports.

Kugeza ubu ikipe ya APR FC imaze gusinyisha Sugira Ernest ndetse yazamuye abakinnyi 10 ibakuye mu ishuli ry’umupira w’amaguru.

Tanga igitekerezo na Facebook

Tanga igitekerezo