APR FC izakina na Al Ahly muri Sitade itarimo abafana

Yanditswe na Admin ku wa 26.03.2015 saa 18:54 | Yasuwe : 763

Inzego z’umutekano mu Misiri zemeje ko Al Ahly izakira APR FC mu mukino wo kwishyura wa CAF champions league kuri Petro Sport Stadium tariki ya 4 Mata 2014, umukino ubanza yatsinzwe ibitego 2-0 kuri stade Amahoro.

APR FC izakinira mu murwa Cairo mu gihe Rayon Sports iheruka yo yakiniye mu mujyi wa El Gounah na Zamalek itsindwa ibitego 3-1.Kuba abafana 22 ba Zamalek barapfiriye ku kibuga ubwo banganyaga na ENPPI byatumye imikino ya shampiyona ihagarikwa ndetse imikino myinshi ivanwa mu murwa Cairo.

Petro Sport Stadium ifite ubwatsi karemano yafunguwe mu 2006 isanzwe ari stade ENPPI yakiriramo imikino ya shampiyona, ijyamo abantu ibihumbi 25 bicaye.Nyuma y’urupfu rwa bariya bafana 22 ba Zamalek, nta bafana bemerewe kwinjira muri stade ku mikino yo mu Misiri.

aprfcapr fc,al ahly, egypt,

Mugiraneza Jean Baptiste “Migi” wa APR FC wabonye ikarita ya kabiri y’umuhondo batsindwa 2-0 na Al Ahly ntazakina umukino wo kwishyura.

Shampiyona ya Misiri ishobora gusubukurwa tariki ya 30 Werurwe 2015 nyuma y’imikino ya gicuti y’ibihugu aho abakinnyi 10 ba Al Ahly bahamagawe mu ikipe ya Misiri bategura umukino wa gicuti na Guinea Equatorial uzaba kuwa Kane.

Kuri uyu wa Mbere, Al Ahly yakinnye umukino wa gicuti bagwa miswi na ELNASR, ikipe yo mu cyiciro cya mbere.APR FC irasabwa gutsinda Al Ahly ibitego 3-0 mu Misiri ngo yizere itike ya 1/16 cy’irangiza aho izakomeza izakina n’izatambutse hagati ya Moghreb Tétouan yo muri Maroc yatsinze Kano Pillars yo muri Nigeria ibitego 4-0 mu mukino ubanza muri Maroc.

Tanga igitekerezo na Facebook

Tanga igitekerezo