Andy Mfutila akomeje ibiganiro na Rayon Sports

Yanditswe na Rwanda Football ku wa 16.11.2014 saa 12:40 | Yasuwe : 673

Amakuru ari gucicikana mu Rwanda nuko umutoza Andy Magloire MFUTILA ari i Kigali mu biganiro n’ikipe ya Rayon Sports, bikaba bivugwa ko  ashobora gusinya amasezerano y’umwaka umwe  muri iyi kip y’ Nyanza.

Uyu umugabo ukomoka mu gihugu cya Kongo Kinshasa si ubwa mbere yaba atoje ikipe yo mu rwanda kuko yigeze kuba umutoza mukuru  w’ikipe ya APR FC muri 2007 .

Andy Magloire MFUTILA, yaraye ageze i Kigali kuri uyu wa gatandatu ku wa 15 Ugushyingo akaba ari mu biganiro n’ikipe ya Rayon Sports, ku buryo ashobora gusinya amasezerano bitarenze uno munsi kuri icyi cyumweru agahita atangira imyitozo na Rayon Sports kuri uyu wa mbere.

Aya makuru akaba yemezwa na Niyomusabye Emmanuel umuvugizi wa Rayon Sports.
Umuvugizi wa Rayon Sports yagize ati “ntabwo birarangira, ariko ejo buzira byarangiye, kuko atari yasinya ntabwo twakwemeza ko yamaze kuba umutoza wacu kuko atarasinya, kuri uyu wambere tariki ya 17 Ugushyingo 2014 twumvikanye yashyira umukono ku masezerano, amasezerano agira ibintu byinshi, no kuba yaje mu Rwanda, hari icyizere, gusa ntabwo umuntu ari terekomande ngo duhite twemera ko azasinya, umuntu ashobora kuba yananizanya, ariko ntabwo birarangira”.

mfutila

Emmanuel avuga ko uwo mutoza yamaze kugera mu Rwanda avuye muri Repubulika Iharanira Demokarasi ya Congo, gusa akaba atarasinya.

Mfutila uri mu Rwanda ubu ngubu yaje mu rwanda amaze guhagarikwa igihe cy’amezi atatu n’ihazabu y’amadolari 100  n’ishyirahamwe ry’umupira w’amaguru muri Congo Linafoot  kubera gutuka umusifuzi w’umukino Lubumbashi sport- As Bantou (2-1) wo ku italiki ya 04.11.2014

Uyu mutoza akiri muri APR FC muri 2007 yatwaye igikombe cya CECAFA Kagame Cup, ari mu batoza bifujwe kuva cyera na Rayon Sportsariko ntibabashe kumvikana.

Yaje mu ikipe ya APR FC avuye muri AS Sodigraf na Lupopo. Ahavuye yerekeje muri AS Vita, atoza CS Don Bosco, ajya muri Mazembe nk’umutoza wungirije, umwungiriza wa Lamine Ndiaye, ayivamo ajya muri Don Bosco, yaje kuvamo akerekeza muri AS Bantou yatozaga kuri ubu, n’izindi.

Mfutila afite impamyabumenyi y’ubutoza yo mu rwego rwa A yakuye i Clairefontaine mu Bufaransa yamenyekanye mu makipe nka Tout puissant Mazembe, Saint Eloi Lupopo, APR FC, AS Vita club ndetse n’ikipe ya Repubulika Iharanira Demokarasi ya Congo yaknnye igikombe cy’Afurika mu 2004.


Tanga igitekerezo na Facebook

Tanga igitekerezo