Amwe mu mazina y’ibihangange muri ruhago atazakina igikombe cy’isi

Yanditswe na Rwanda Football ku wa 12.10.2017 saa 10:20 |

Muri rukerera ro kuwa kabiri w’icyi cyumweru  nibwo hakinwaga imikino ya nyuma yo gushakisha itike yo kwerekeza mu mikino ya nyuma y’igikombe cy’isi cy’ibihugu kizabera umwaka utaha wa 2018  mu gihugu cy’uburusiya.

Bamwe mu bakinnyi bakomeye ntibazitabira imikino ya nyuma y’iki gikombe cy’isi kizakirwa n’abarusiya nyuma y’uko amakipe y’ibihugu byabo atabonye itike yo kucyitabira.  Dore muri rusange urutonde rw’abakinnyi bakomeye bazaba bari kurebera igikombe cy’isi kuri Televiziyo nk’abandi bantu basanzwe : 

Pierre-Emerick Aubameyang

Pierre-Emerick Aubameyang : Uyu mukinnyi ukinira ikipe y’igihugu ya Gabon yamaze kwisanga igihugu cye kitabashije kwitabira imikino ya nyuma y’igikombe cy’isi.

Gareth Bale

Gareth Bale : N’ubwo ari umwe mu bakinnyi bakomeye ku isi ntiyabashije na gato gufasha igihugu cye cya Wales kubasha kubona itike yo kwerekeza mu gikombe cy’isi cy’umwaka utaha. Ibi bikaba bibaye nyuma y’uko iki gihugu gitsinzwe na Republic of Ireland igitego kimwe bigatuma kibura itike yo kuzakina nibura n’umukino wa kamarampaka.

Alexis Sanchez na Arturo Vidal

Alexis Sanchez na Arturo Vidal : Nyuma yo gufasha igihugu cyabo cya Chile gutwara ibikombe bibiri byikurikiranya by’umugabane wa Amerika y’amajyepfo bizwi nka Copa Amerika mu myaka ibiri ishize ya 2015-16, aba bagabo babiri bakomoka mu gihugu cya Chile bananiwe gufasha ikipe yabo kubona itike yo gukina igikombe cy’isi cy’umwaka utaha. Ibi bikaba byabaye ubwo iki gihugu cyabuze n’itike yo kuzakina umukino wa kamarampaka.

Argen Roben

Kuri uru rutonde rukomeje kugaragaraho abakinnyi benshi bakomeye twavugamo kandi n’umuholandi witwa Arjen Roben, umunyamerika witwa Christian Pulisic ukinira ikipe ya Borussia Dortmund, umunyezamu wa Slovakia ndetse na Athletico Madrid witwa Jan Oblak ndetse na mugenzi we bakomoka mu gihugu kimwe witwa Marek Hamsik,umunya Algeria witwa Riyad Mahrez, tutibagiwe n’umunya Bosnia & Herzegovina witwa Edin Dzeko.

Edin Dzeko

Tanga igitekerezo na Facebook

Tanga igitekerezo

Powered by Live Score & Live Score App