Amisi Cedric ari gukina muri Mozambique

Yanditswe na Admin ku wa 21.06.2014 saa 15:24 | Yasuwe : 1,159

Rutahizamu w’ikipe ya Rayon Sports, umurundi Amiss Cedrick ari gukinira ikipe yitwa Chibuto FC yo mu gihugu cya Mozambique,.

Cedric yavuye mu Rwanda afatiwe ibihano na ferwafa byo kumara amezi 6 adakandagira ku bibuga by’umupira w’amaguru mu Rwanda

Cedric Amiss amaze imyaka itatu  ari muri Rayon Sports, akaba yaraje azanywe n’umutoza uzwi cyane Jean Marie Ntagwabira wigeze gutoza  Rayon Sports muri 2012.

rp_cedricrayon-300x200.jpgUyu musore ari Gukinira Chibuto FC n’ubwo atarabasha kubona ibyangombwa biva mu Rwanda . Hakaba kandi  hari n’andi makipe yamwifuzaga mu bihugu by’abarabu, ariko iyi kipe iri kwiyubaka cyane mu gihugu cya Mozambique, ikaba yamuhaye amafaranga menshi, yemera gushyira umukono ku masezerano y’imyaka itatu ayikinira.

Mu mukino iyi kipe ya Clube do Chibuto iheruka gukina itsinda iyitwa Desportivo de Nacal ibitego 4-1, Amiss Cedric yatsinze igitego cya 4.

Amiss Cedric yatangiye gukina, akinira ikipe yitwa Inyange FC mu kiciro cya 2  mu Burundi , ayivamo aza mu ikipe yitwa Elite FC mu kiciro cya mbere, mbere gato y’uko yerekeza muri Prince Louis muri 2008, ayikinira imyaka 4, aho yavuye yerekeza  muri Rayon Sports, aca agahigo ko gutsinda ibitego 16 mu mikino 13 gusa ya shampiyona, muri 2012/2013.

Tanga igitekerezo na Facebook

Tanga igitekerezo