Amavubi yongeye gutsinda Gabon

Yanditswe na Admin ku wa 28.07.2014 saa 13:55 | Yasuwe : 1,436

Source: Ferwafa

Ku cyumweru tariki 27/07/2014 ikipe y’igihugu Amavubi yakinye umukino mpuzamahanga wa gicuti n’ikipe y’igihugu ya Gabon

Uyu mukino warangiye u Rwanda rutsinze Gabon   1-0 igitego cyatsinzwe na Rutahizamu Meddie Kagere utari uherutse kwigaragaza mu Mavubi .

Uyu wari umukino wa kabiri wa gicuti uhuje aya makipe yombi. Umukino ubanza wabereye I Kigali tariki 12/07/2014, Amavubi yatsinze Les Pantheres igitego 1-0 gitsinzwe cya Jacques Tuyisenge.

amavgabon14

Nyuma y’umukino wa Gabon, umutoza w’Amavubi Stephen Constantine yagize ati “ Byari ngombwa ko dukina umukino wo kwipima nyuma y’uwa Congo. Turi i Pointe Noire ntitwakinnye umukino w’amayeri nk’uko byari muri ibiri yabanje. Uyu munsi nyuma y’umunota wa 25 twashyize hasi umupira abakinnyi bigirira icyizere nkuko nabibabwiye mu kiruhuko.”

Ku mukino wa Congo Brazzaville wo kwishyura, Constantine avuga ko bakeneye nibura ibitego 2-0. Yasabye abafana kwihangana mu gihe igitego kitaboneka mu minota ya mbere akagira icyizere ko nibatsinda 2-0, Congo Brazzaville izajya ku gitutu.

U Rwanda rurasabwa gutsinda nibura ibitego 3-0 kugirango bashobore gusezerera Congo Brazzaville bityo babone itike y’amajonjora mu itsinda A ririmo ibindi bihugu nka Nigeria, Afurika y’Epfo na Sudani.

Tanga igitekerezo na Facebook

Tanga igitekerezo