Amavubi yongeye guteza impinduka mu mikino ya shampiyona

Yanditswe na Admin ku wa 18.05.2017 saa 06:25 | Yasuwe : 30

Ishyirahamwe ry’umupira w’amaguru mu Rwanda ryamenyesheje amakipe yo mu cyiciro cya mbere ko habaye impinduka muri shampiyona y’icyiciro cya mbere bizatuma irangira mbere y’iminsi ku gihe cyari cyatanzwe kugira ngo hategurwe imikino y’ikipe y’igihugu.

Amavubi afite umukino na Centrafruque i Bangui tariki ya 9 Kamena mu majonjora y’igikombe cy’Afurika 2019 kizabera muri Cameroun naho muri Nyakanga bakine na Tanzania (14 na 21 Nyakanga) mu ijonjora ry’igikombe cy’Afurika cy’abakina imbere mu gihugu (CHAN) kizabera muri Kenya mu 2018.

Umunsi wa 28 wa shampiyona wigijwe imbere ho icyumweru uzakinwa tariki ya 22 na 23 Gicurasi mu gihe uwa 29 wari gukinwa tariki ya 17 Kamena wimuriwe kuya 26 Gicurasi 2017.

Umukino wari guhuza Rayon Sports na APR FC kuri stade Amahoro kuwa Gatandatu tariki ya 16 Kamena wimuriwe ku Cyumweru, tariki ya 28 Gicurasi 2017.Shampiyona yari gusozwa tariki ya 25 Kamena 2017 izasozwa tariki ya 15 Kamena.

Kuri iyi gahunda nshya hagaragayeho impinduka aho imikino itatu ya shampiyona Musanze FC izakira izakinirwa i Nyakinama mu gihe indi mikino yabanje bakiriye mu gice cya kabiri cya shampiyona yakiniwe kuri stade Ubworoherane ivuguruye.Amakuru atugeraho ariko avuga ko iyi stade Ubworoherane imeze neza aho baheruka gukinira umukino ubanza w’igikombe cy’amahoro na Rayon Sports, tariki ya 10 Gicurasi 2017.

Kubera imikino y’umunsi wa 29 izabera umunsi umwe uretse uzahuza Rayon Sports na APR FC kandi amakipe yombi y’i Rubavu azaba yakiriye, Etincelles izakina kuri stade Umuganda naho Marines imanuke kuri Tam Tam.

Iyi gahunda nshya ntacyo yahinduye ku mukino w’ikirarane w’umunsi wa gatanu aho Rayon Sports yakira Mukura VS kuri stade ya Kigali, umukino isabwa gutsinda igatwara igikombe cya shampiyona yaherukaga mu 2013 itozwa na Didier Gomez da Rosa.

Imikino ya Musanze FC yashyizwe i Nyakinama, iyi kipe yari imaze igihe ikinira kuri stade Ubworoherane hataramenyekana icyatumye yimurwa

Gahunda y’iminsi ine ya shampiyona isigaye

Umunsi wa 27

Tariki ya 17 Gicurasi 2017

AS Kigali vs APR FC – Stade ya Kigali

Marines FC vs Etincelles – Umuganda

Sunrise FC vs Police FC – Nyagatare

Kirehe FC vs Bugesera – Kirehe

Musanze vs Amagaju – Musanze

Tariki ya 20 Gicurasi 2017

Espoir FC vs Kiyovu Sports – Rusizi

Pepiniere FC vs Rayon Sports – Ruyenzi

Mukura VS vs Gicumbi – stade ya Huye

Umunsi wa 28 wa shampiyona

Tariki ya 22 Gicurasi 2017

Amagaju vs Kirehe FC – Nyamagabe

APR FC vs Marines – stade ya Kigali

Tariki ya 23 Gicurasi 2017

Gicumbi FC vs Musanze – Gicumbi

Bugesera FC vs Pepiniere – Bugesera

Etincelles FC vs Rayon Sports – stade Umuganda

Kiyovu Sports vs AS Kigali – stade ya Kigali

Mukura VS vs Sunrise – stade Huye

Police FC vs Espoir FC – Kicukiro

Umukino wa Marines FC na Kiyovu Sports uzakinirwa Tam Tam kuko Etincelles izaba iri gukina na Bugesera ku Umuganda

Umunsi wa 29 wa shampiyona

Tariki ya 26 Gicurasi 2017

Musanze FC vs Mukura VS – Nyakinama

Sunrise FC vs Espoir – Nyagatare

Kirehe FC vs Gicumbi – Kirehe

Marines FC vs Kiyovu Sports – Tam Tam

AS Kigali vs Police FC – stade ya Kigali

Etincelles FC vs Bugesera FC – stade Umuganda

Pepiniere FC vs Amagaju – Ruyenzi

Tariki ya 28 Gicurasi 2017

Rayon Sports vs APR FC – stade Amahoro

Umunsi wa 30 wa shampiyona

Tariki ya 15 Kamena 2017

APR FC vs Bugesera – stade ya Kigali

Kiyovu Sports vs Rayon Sports – Mumena

Musanze FC vs Sunrise FC – Nyakinama

Espoir FC vs AS Kigali – Rusizi

Gicumbi FC vs Pepiniere FC – Gicumbi

Police FC vs Marines – Kicukiro

Mukura VS vs Kirehe FC – stade ya Huye

Amagaju FC vs Etincelles FC – Nyamagabe

Tanga igitekerezo na Facebook

Tanga igitekerezo