Amavubi yongeye gusubira inyuma imyanya 13 ku rutonde rwa FIFA

Yanditswe na Admin ku wa 06.08.2015 saa 13:12 | Yasuwe : 882

Amakuru agaragara ku rubuga rw’Ishyirahamwe ry’Umupira w’Amaguru ku isi FIFA avuga ko u Rwanda rwavuye ku mwanya wa 78 rukajya ku mwanya wa 91 ku rutonde ngarukakwezi rukorwa na FIFA rwasohotse kuri uyu wakane 06.08.2015.

Uru rutonde rugaragaza ko muri Afurika u Rwanda rwageze ku mwanya wa 25.Algeria ni yo iri ku mwanya wa mbere muri Afurika no ku rwego rw’isi iguma ku mwanya wayo wa 19.

Kuri uru rutonde rushya Algeria yaje ikurikiwe na Cote d’Ivoire ku mwanya wa kabiri muri Afurika nayo yagumye ku mwanya wa 21 ku isi. Ghana iri ku mwanya wa 3 muri Afurika ikaba iya 27 ku isi, yo yasubiye inyuma imyanya 2, mu gihe Tunisia iri ku mwanya wa 4 muri Afurika aho yasubiye inyuma imyanya 2 ku rwego rw’isi ikaba yaje ku mwanya wa 34.

amavubis15

Mu Makipe ari mu Karere ka Cecafa U Rwanda ruherereyemo, hari Uganda yamanutse umwanya umwe kuri uru rutonde, ni iya 74. Ethiopia iri ku mwanya wa 99, yo yazamutseho imyanya 2, Mu gihe Kenya iri ku mwanya wa 116 yagumye ku mwanya yari iriho, u Burundi bukaba bwasubiye inyuma umwanya umwe buba ubwa 132, Tanzania iri ku mwanya wa 140 na yo yasubiye inyuma umwanya umwe, mu gihe Sudan y’Epfo iri ku mwanya wa 195 yagumye ku mwanya yari iriho.

Igihugu kiri ku mwanya wambere ku isi ni Argentine yagumye ku mwanya wayo, mu gihe umwanya wa kabiri wajeho u bubiligi bwazamutseho umwanya umwe, Ubudage buza ku mwanya wa gatatu bwo bwasubiye inyuma umwanya umwe, naho Colombia yo yagumye ku mwamnya wayo wa kane na Brazil itigeze iva ku mwanya wa 5

Tanga igitekerezo na Facebook

Tanga igitekerezo