Amavubi yitwaye neza mu mikino yo kwibuka

Ikipe y’igihugu y’umupira wamaguru Amavubi yatsinze Tanzania ibitego 2-0 mu irushanwa ryo kwibuka abakinnyi , abakunzi n’abayobozi bazize Jenoside yakorewe Abatutsi mu 1994.

Ni imikino yari yateguwe n’Ishyirahamwe ry’umupira w’amaguru mu Rwanda (FERWAFA) yitabirwa n’ibyo bihugu mu rwego rwo kwibuka Jenoside yakorewe Abatutsi mu 1994.

Iryo ruhanwa ribaye mu minsi ibiri ryakinywe guhera kuwa gatandatu tariki ya 6 kugera kuri 7 Kamena 2015, imikino yose ikaba yaberaga kuri Sitade Amahoro i Remera.

Uwo mukino w’Amavubi na Tanzania wabaye kuri iki cyumweru tariki ya 7 Kamena 2015 kuri Sitade Amahoro i Remera. Mu mukino wabanjirije uwo ikipe ya Kenya yatsinze Sudani y’Epfo 2-0.

kibuka15

Ibitego by’Amavubi byatsinzwe na Patrick Sibomana bita Pappy kuri penariti mu gice cya mbere ndetse na Yannick Mukunzi mu gice cya kabiri.

Nyuma y’umukino Nshutiyamagara Ismael bita Kodo ukinira Amavubi yatangaje ko ari ibintu bishimishije ku ikipe yabo ikaba igenda itera imbere mu mikinire.

Ati ” ikipe yakinnye ejo n’iyakinnye uyu munsi biratandukanye kuba ikipe yabanje gukina kuwa gatandatu yaranganyije na Kenya”.

Kuri we icyo iyo mikino ibasigiye n’ukwitegura neza ku mukino w’ingenzi bafitanye na Mozambique.

Umutoza w’Amavubi, Jonathan Mckinstry atangaza ko iyi mikino ari uburyo bwo kureba uko abakinnyi be bahagaze akaba ariyo mpamvu ahitamo kubakinisha bose.

Iryo rushanwa ryitabiriwe n’ibihugu nka Kenya, Tanzania, Sudani y’Epfo n’u Rwanda rwayiteguye.

Muri iryo rushanwa imikino yarangiye bivugwa ko hagiye gutangwa imidari, ariko amakipe yose akaba yahise yigendera.

Tanga igitekerezo na Facebook

Tanga igitekerezo